| e-texts navigator |
| Wylie |
177b1 ཤང་ལ་སྔགས་ནས་དབང་ཕྱུག་ཆེན་པོ་ལ་མཆོད་ནས་ཕྱུགས་འགབ་ཉུང་བའི་སྐེར་བཏགས་ན་འགབ་འཕེལ་བར་འགྱུར་རོ།། རྨ་བྱའི་རྒྱལ་མཚན་ལ་སྔགས་ནས་རྟག་ཏུ་ལུས་ལ་བཅངས་ན་མཛེ་འཚོ་བར་འགྱུར
177b2 རོ།། དཔལ་ཟླ་གསང་ནག་པོའི་རྒྱུད་ལས། འཇིག་རྟེན་ཁམས་སུ་ཐོག་དབབ་པ་ལྷའི་ཟླ་གསང་སྐབས་ཏེ་ཞེ་ལྔ་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས་འདི་སྐད་ཅེས་གསུངས
177b3 སོ།། བསྟན་པ་གཉེན་པོ་བསྲུང་བ་དང་།། འགལ་བ་ཆམ་ལ་དབབ་པའི་ཕྱིར།། ནད་ངན་བདག་མོ་མ་མོའི་ཟླ་གསང་གསུངས།། དུར་ཁྲོད་ལ་སོགས་དགོན་པའི་གནས་ཉིད་དུ།། ས་བདག་མཉེས་བྱ་མ་ཉེས་མཁྱེན་པ
177b4 གསོལ།། ཕུང་བའི་ཤུལ་ནས་ས་བླངས་དཀྱིལ་འཁོར་བརྩིག། མངལ་ཁྲག་རིམས་ཁྲག་ལ་སོགས་ཆག་ཆག་གདབ།། དུག་གིས་དཔལ་བསྐྱེད་སྨན་གྱིས་དྲི་ཡང་དབྱུང་།། དབུས་སུ་གྲུ་གསུམ་བརྩེགས་མ་གཏིང་དུ
177b5 བྱ།། ཟླ་གམ་དམར་པོ་འཁོར་ལོ་རྩིབས་བཞིར་ལྡན།། མུ་ཁྱུད་ཟླུམ་པོ་ཐོད་པའི་ཕྲེང་བས་བསྐོར།། གྲུ་ཆད་པར་ཁྱམས་སྒོ་བཞི་རིགས་དང་སྦྱར།། གྲུ་གསུམ་རྩེ་དྲུག་དཔལ་གྱི་ཞལ་དྲུག་བྲི།། དབུས་སུ་འཇམ་དཔལ
177b6 ཡབ་ཡུམ་སྲས་བཅས་དགོད།། འཁོར་ལོ་བཞི་ལ་ཕུང་བྱེད་མ་བཞི་དགོད།། ཟླ་གམ་གསུམ་ལ་ནག་མོ་ཕུང་གསུམ་དགོད།། གྲུ་ཆད་བཞི་ལ་སྲིང་མོ་གདོང་མོ་བཞི།། རྩིབས་མཚན་བཞི་ལ་ཤན་པ་མ་བཞི
iiif viewer powered by OpenSeadragon
