| e-texts navigator |
| Wylie |
173b1 གསོལ།། ཐོད་པ་སྟེང་མར་ཡབ་ཀྱི་སྐུ་ཡང་བྲི།། ཐོད་པ་འོག་མར་ཡུམ་གྱི་སྐུ་ཡང་བྲི།། ཐོད་པའི་རྩིབས་རིམ་དམིགས་པའི་མིང་རུས་བྲི།། དཔྲལ་བར་རུས་བྲི་ཁ་རུ་མིང་ཡང་བྲི།། སྙིང་གར་ནརྀ་བྲི་འདོམས་སུ་བླ
173b2 དགས་བྲི།། དེ་ཡི་ཐ་མར་ལྟོ་སྦྱར་ཛ་ཡིས་བསྐོར།། གྲོ་ག་ཤིང་ཤུན་ཞིང་གི་པགས་པ་ལ།། དགྲ་བོའི་གཟུགས་བྲིས་དབང་ཕྱུག་ཡུམ་ལ་གླན།། འཁར་བའི་ཕུར་པ་ཐོད་པའི་ནང་དུ་གཞག། གྲོ་གཤོག་ཤོག་ཤིང་གི་ལོ
173b3 མ་ལ།། ལྷ་ཆེན་ཚོགས་བདག་དབང་ཕྱུག་ཆེན་པོ་ཁྱོད།། ཁྱེད་ཀྱི་བཙུན་མོ་མཱ་ར་ཡ་འདིས་སྦྱར།། འཁོར་གྱི་ལྷ་རྣམས་མྱུར་དུ་སྐུལ་མཛོད་ལ།། འདི་ལ་དྲག་པོའི་ཐོག་ཆེན་ཕོབ་ཅེས་བྲི།། ཕུར་པ་དེ་ཡི་མགུལ་དུ
173b4 གདགས་པར་བྱའོ།། ཐོད་པའི་ནང་དུ་དམེ་ཁྲག་སྐམ་པོ་དང་།། གསེར་ཕྱེ་ཟངས་ཕྱེ་ལྕགས་ཕྱེ་འཁར་ཕྱེ་དང་།། དངུལ་དང་ཐོག་ལྕགས་ཐོག་གྲིར་ཤི་བ་ཡི།། སྙིང་དང་རུས་པ་ཤ་ཡང་སྩལ།། ཐོད་པ་ཁ་སྦྱར་མི་ཡི་རྒྱུ
173b5 མས་བཅིངས།། སྐྱེད་གསུམ་ཁ་ལ་གྲུ་གསུམ་སྟེང་དུ་བཞག། ཆུ་སྐྱེས་མེ་ཏོག་སྣ་ཚོགས་དང་།། རིན་ཆེན་སྣ་ལྔ་སྨན་རྣམས་དང་།། འདོད་པའི་ལོངས་སྤྱོད་ཟས་རྣམས་དང་།། རྒུན་ཆང་སྦྲང་དང་འབྲས་ཆང
173b6 དང་།། འབྲུ་ཆང་དང་ནི་ཨ་སུ་ཤ།། དེ་དག་མཆོད་པའི་རྫས་སུ་དགྲམ།། སྣ་ཚོགས་སྙིང་དང་ཁྲག་ཏུ་སྦྱར།། བུ་རམ་འབྲས་ཀྱི་གཏོར་མ་བཞི།། ལྷ་ཡི་བློན་པོ་བཞི་ལ་དགོད།། ལིངྒ་ཇི་ལྟར་འདོད་པའི
iiif viewer powered by OpenSeadragon
