| e-texts navigator |
| Wylie |
172b1 མདའ་ཡཱ།། སྐད་ཅིག་ཙམ་ལ་ཕུང་བར་གྱིས།། ཞེས་རྟ་སྙིང་བསྟབ་ཅིང་རཀྟ་སྦྲེང་།། རྟགས་སུ་འབྲུག་དང་སེར་བ་དང་།། གློག་དང་ཐོག་དང་ཤྭ་བུད་འོང་།། གྲུབ་པའི་རྟགས་བྱུང་ཐོག་གཏའ་གཞུག། མཁར་རྨང་ལྷ
172b2 རྟེན་ཆུ་མིག་གམ།། མཆོད་རྟེན་ལྷ་ཁང་འགྲམ་འོག་ཏུ།། ལྷག་པར་དགྲ་ཡི་གྲོ་གའམ།། ཉལ་བའི་སྔས་སམ་སྟན་འོག་ཏུ།། འཁོར་ལོ་བཅས་པའི་ཐོད་པ་སྦ།། དྲག་སྔགས་འདི་བཟླས་ཐོད་པར་གསིབ།། ཨོཾ་ས་མ་དུར
172b3 བུ་རཀྵ་པྲ་མ་ཎ། མ་ཧཱ་དེ་ཝ་དགྲ་ཡི་ཡུལ་ཁམས་སུ།། རོ་ཁ་དུ་ཁ་བ་ཧཱུཾ་ཕྲ་བ་སྭཱ་ཧཱ། ཞེས་པ་ནི་ཐོད་པའི་ནང་དུ་བཟླས།། གཏོར་མ་གཏང་ཞིང་སྨོན་ལམ་གདབ།། བྲིས་སྐུ་དག་ལ་རྟེན་བཅས་ལ།། དྲ་ཕྱིང་མཎྜལ་དག
172b4 ལ་དྲིལ།། རྟག་ཏུ་ལྷ་རྣམས་མཆོད་གྱུར་ན།། ཡིད་ལ་ཅི་བསམ་འགྲུབ་པར་འགྱུར། གཤིན་རྗེ་ཟླ་གསང་ནག་པོའི་རྒྱུད་ལས། འཇིག་རྟེན་དུ་ཐོག་དབབ་པ་ལྷའི་ཟླ་གསང་སྐབས་ཏེ་ཞེ་གསུམ་པའོ།། །། དེ་ནས
172b5 ཡང་བཅོམ་ལྡན་འདས་འཇིགས་བྱེད་ཆེན་པོ་གཤིན་རྗེ་གཤེད་པོས་འགལ་བྱེད་ཆམ་ལ་དབབ་པའི་སླད་དུ།། ཐོག་འབེབས་ལྷ་ཡི་ནང་བསྒྲུབ་གསུངས།། སྲིད་པར་མ་སྲིད་མགར་གྱིས་མ་བརྡུངས་མཚོན།། ཡེ་སྲིད
172b6 བྱང་ཆུབ་སེམས་ཀྱི་དཔལ་ངར་ཅན།། རླུང་གིས་མ་བླུད་གཤེགས་པའི་ངར།། ཡེ་བླུད་ཆེན་པོའི་མཚོན་དཔལ་ངར་ཅན་དེས།། འབྱུང་བ་གཞན་གྱིས་མི་བརྫི་མི་ཚུགས་ཤིང་།། ཉིད་ཀྱིས་གང་ལ་ཐོགས་ཆག་མེད་པར
iiif viewer powered by OpenSeadragon
