| e-texts navigator |
| Wylie |
171b1 འཇོ་རོལ་མོ་དག་ལ་སོགས།། བདེ་བའི་ཡོ་བྱད་ཐམས་ཅད་མ་ལུས་ཀུན།། མཆོད་པར་འབུལ་ལོ་ཐུགས་རྗེས་བཞེས་སུ་གསོལ།། ཨོཾ་སརྦ་པཱུ་ཛ་པུཥྤེ་དྷཱུ་པེ་ཨཱ་ལོ་ཀེ་གན་དྷེ་བ་ལི་པཱུ་ཛ་ཧོཿ། སྐུ་མདོག་ནག་པོ་སྤྱན
171b2 གསུམ་མཆེ་བ་གཙིགས།། དྲང་སྲོང་ཆ་ལུགས་པདྨའི་ཕྲེང་བས་བརྒྱན།། ཞལ་བཞི་གླིང་བཞི་ཡོངས་ལ་ཁྱབ་པར་གཟིགས།། སྙན་པའི་དྲིལ་སྒྲ་གསུང་གི་གདངས་སྐད་ཅན།། དབང་ཕྱུག་ཆེན་པོ་ཁྱེད་ལ་ཕྱག་འཚལ
171b3 བསྟོད།། འཁོར་གྱི་ལྷ་ཡི་བློན་པོ་བཞི།། རྟ་ལ་ཞོན་ནས་རལ་གྲི་བསྐོར།། ཐོག་སེར་འབེབས་པའི་ལས་ལ་བརྩོན།། ཁྱོད་ལ་བདག་ཅག་བསྟོད་ཕྱག་འཚལ།། སྔགས་འདིས་ལྷན་རྣམས་རབ་ཏུ་བསྙེན།། ཨོཾ་མ་ཧཱ་དེ་ཝ
171b4 ཏི་ཛ་ཏི་ཛ་ལཾ་པྲ་མ་ན་པྲ་མ་ན་རཀྵ་ཀང་ཀང་ལ་ཡང་ཧཱུཾ། དེ་བ་རཱ་ཙ་ཛ་མཱ་ཧཱ་ནི་དགྲ་བོ་ཆེ་གེ་མོ་ནི་ཐུམ་ཐུམ་རྦད།། ཤག་ལེན་སན་སེན་ཡང་ས་ན་ཛཿཛཿཧཱུཾ་ཧཱུཾ། དེ་སྐད་བསྟོད་ལ་བསྙེན་པ་བགྱི།། རང་གིས་མ་ཉེས་དབང
171b5 ཡང་གཟུག། ཉེས་བྱས་བྲིས་སྐུའི་མདུན་དུ་བཤགས།། འོ་དོད་འབོད་ཅིང་གཡབ་འདོར་བྱ།། གཤེད་པོ་བསྟོད་ལ་ལྷ་རྣམས་བསྐུལ།། གཡས་ནས་བསྐོར་ཞིང་ཐུགས་དམ་བསྐུལ།། འདོད་ཁམས་ཉི་ཤུའི་ཡང་རྩེ
171b6 ནས།། གཟུགས་ཁམས་ལྷ་ཡི་དགའ་ཚལ་ནས།། ཕོ་བྲང་བདེ་བའི་གཞལ་ཡས་ནས།། ཆོས་ཀྱི་རྒྱལ་མཚན་དབང་བསྐུར་བའི།། ལྷ་ཆེན་དབང་ཕྱུག་ཆེན་པོ་ནི།། སྐུ་ནི་དམར་སེར་འབར་བ་ལ།། ཚད་མེད་དབུ་བཞི
iiif viewer powered by OpenSeadragon
