| e-texts navigator |
| Wylie |
170a1 ཡོ་བྱད་ལྡན་བྱས་ཏེ།། འཕགས་པ་ལ་སོགས་མཆོད་ཅིང་གཏོར་མ་གཏོང་།། དྲ་ཕྱིང་གཙང་མ་མདའ་གང་གྲུ་བཞི་ལ།། མཚལ་ལམ་ལྡོང་རོས་དག་གིས་ཐིག་བཏབ་སྟེ།། ལེའུ་ཚེ་དགུ་པ་དག་གི་ཚད་དུ
170a2 བྱ།། དབུས་སུ་ག་པུར་དག་གི་ཆུས་བཀྲུས་ལ།། དར་རམ་རས་སམ་དཀར་ལ་འཇམ་པ་ལ།། ལྷ་ཆེན་དབང་ཕྱུག་དག་གིས་གཟུགས་བྲིས་ཏེ།། སྨྱུག་མ་གཙང་མ་དག་ལ་དགོད་པར་བྱ།། སྟེང་ནས་དམར་པོ་དར་གྱི
170a3 གདུགས་ཀྱིས་དགབ།། དེ་ཡི་མཚམས་བཞིར་ལྗང་གུའི་འཕན་བཞི་གཟུག། ཕྱོགས་བཞིའི་ལེའུ་ཚེ་བཞི་པོ་དག་ལ་ཡང་།། ལྷ་ཡི་བློན་པོ་བཞི་ཡི་གཟུགས་བྲིས་དགོད།། ཤར་དུ་དྲི་ཟའི་ལྷ་ཉིད་དགོད་པར་བྱ།། ལྷོ་རུ
170a4 གཤིན་རྗེ་ནུབ་ཏུ་ཀླུ་གདོན་ལྷ།། བྱང་དུ་གནོད་སྦྱིན་ལྷ་སྟེ་བཞི་པོ་དགོད།། དེ་ཡི་ཕྱི་རིམ་མེ་ཏོག་སྣ་ཚོགས་བསྐོར།། མཆོད་པ་ལྔ་དང་གཏོར་མ་གཅིག། ནང་དུ་རྟ་ཚིལ་ཁྲག་དང་སྙིང་ཡང་སྩལ།། སྙིང་གི་སྲོག་རྩར
170a5 དམིགས་པའི་མིང་རུས་བྲི།། ཁྲེའུ་ཅུ་ཙེ་དག་ལ་དགྲ་གཟུགས་བྱ།། སྙིང་གར་ཐིག་ལེའི་དཀྱིལ་དུ་མིང་རུས་གཟུག། སྐེ་ནས་སྔོན་དམར་སྐུད་པས་གདགས་བྱས་ཏེ།། ལག་པ་གཡས་ཀྱི་སྲིན་ལག་རྩེ་ལ་དགལ།། ཆས
170a6 གོས་ལྗང་ནག་མགོ་ལ་ཐོད་ནག་བཅིང་།། དུར་ཁྲོད་རས་སམ་བྲམ་ཟེའི་པགས་པ་ལ།། ལྡོང་རོས་ཆུ་རྩས་ཁ་དོག་སེར་པོར་བསྒྱུར།། དུག་དང་ཁྲག་གིས་འཁོར་ལ་རྩིབས་བརྒྱད་བྲི།། འཁོར་ལོའི་རྩིབས་ལ་གཤིན
iiif viewer powered by OpenSeadragon
