| e-texts navigator |
| Wylie |
166b1 འབེབས།། མདུན་དུ་གང་བྱུང་ཁྱུར་མིད་བྱེད།། ཀི་ཀང་སྣ་ཚོགས་འབེབས་པའི་བདག། ཀི་ཀང་སྣ་ཚོགས་དགྲ་ལ་ཡ།། ཞེས་བརྗོད་ཅིང་རཀྟ་སྦྲེང་ཕྲིན་ལས་བཅོལ།། གསད་ན་བླ་ཕུར་གཟུགས་ལ་བརྡེག། ཨོཾ་བཛྲ་ཀཱི།
166b2 ལི་ཀཱི་ལ་ཡ། ཤི་ཀྲི་བི་ཏྲི་ཀཱི་ལི་ཀཱི་ལ་ཡ། ཆེ་གེ་མོ་མཱ་ར་ཡ་ཧཱུཾ་ཕཊ། མུ་ལུ་མུ་ལུ། ཀུ་རུ་ཀུ་རུ། ཐུམ་བུ་ཐུམ་བུ། བ་ར་ཏ་ཐུ་མ་རུ་ཐུམ་རུ་པ་ར་པ་ཤྭཱ་དན་ཏ་པ་ར་པ་ཏ་ཡ། རུ་ཏི་རུ་ཏི་ཤ་ས་ཡཱ། ཤན་ཏི་ཀུ་ལ་ཏྲི་ཛ། ཞེས་ནི
166b3 གསད་པའི་ལས་སྦྱོར་བྱ། ཆུ་འཁྱགས་དྲག་ཏུ་འབེབས་འདོད་ན།། སྔགས་ཀྱི་མན་ངག་ཞག་གཅིག་བྱ།། ཨོཾ་མེ་ཁ་ཁ་ཐུན་ཁ་ཐུན། རཾ་ཡཾ་རཾ་ཡཾ། ན་བུ་ཏ་ན་ཎ་ཁ་ལེ་ར་ཐུན་ར་ཐུན་ཏུ། ཞེས་པའི་སྔགས་བཟླས་ཁྲོ་ཚུལ
166b4 བསྟན།། མིག་བཟློག་ཁ་བསྐྲད་མིག་སྤྲིན་ལས།། ཁྲག་སྤྲིན་དམར་པོས་འཁྲིགས་ཤིང་འདྲིལ་བར་བསམ།། རྫས་རྣམས་གཏོར་ཞིང་ལུས་སྤྲུགས་པས།། སེར་བ་དྲག་ཏུ་འོང་བར་འགྱུར།། གནམ་ས་རི་བྲག་ཀུན་ཏུ
166b5 ཡང་།། འབའ་རི་ཤ་ཡས་གདོན་མི་ཟ།། འཇམ་དཔལ་གཤིན་རྗེ་ཟླ་གསང་ནག་པོའི་རྒྱུད་ལས། ཆུ་འཁྱགས་སེར་བ་དབབ་པ་ཁྱབ་འཇུག་གཟའི་དྲག་སྔགས་སྐབས་ཏེ་བཞི་བཅུ་པའོ།། །། དེ་ནས་ཡང་བཅོམ
166b6 ལྡན་འདས་འཇིགས་བྱེད་ཆེན་པོས། ཆུ་འཁྱགས་དྲག་ཏུ་དབབ་པའི་ཕྱིར།། རོག་ཏི་གཟའ་ཡི་ནང་བསྒྲུབ་གསུངས།། དུར་ཁྲོད་ལ་སོགས་དགོན་པ་རུ།། དཀྱིལ་འཁོར་གྲུ་གསུམ་སྐྲག་མ་བྱ།། གྲུ་གསུམ་སྐྲག་མའི་ནང
iiif viewer powered by OpenSeadragon
