| e-texts navigator |
| Wylie |
152a1 ལྟར་བྱ།། འཇིགས་བྱེད་ཆེན་པོས་བཀའ་རྩོལ་འདུད།། དེ་ནས་བཅོམ་ལྡན་འདས་འཇིགས་བྱེད་ཆེན་པོས། ཤིན་ཏུ་རྔམ་པའི་སྒྲ་འབྲུག་སྟོང་ལྡིར་བ་ཙམ་དུས་གཅིག་ལ་བསྒྲགས་ནས། བདུད་ཀྱི
152a2 ཚོགས་ཐམས་ཅད་དབང་དུ་བསྡུས་ཟིལ་གྱིས་མནན་ནས།། འདི་སྐད་ཅེས་བརྗོད་དོ།། ཉོན་ཅིག་ཟུང་ཞིག་རྡོ་རྗེ་འཛིན།། ནག་པོ་བདུད་ཀྱི་ཚོགས་རྣམས་ཀུན།། ཕྱིན་ཅི་ལོག་རྣམས་གདུལ་སླད་དུ།། བྱ་བའི་ལས་དང
152a3 བསྒྲུབ་པ་དང་།། བསྟེན་པའི་ཐབས་དང་བསྐུལ་བའི་ཐབས།། མི་མཐུན་སྦྱོར་བས་གསོད་འདོན་ན།། ངས་བཤད་པ་ལ་སེམས་བྲུད་ཅིག། ཅེས་བརྗོད་དོ།། དེ་ནས་བཅོམ་ལྡན་གཤེད་ཆེན་པོས།། ཕྲིན་ལས་མྱུར་དུ་བྱ
152a4 བའི་ཕྱིར།། བདུད་ཀྱི་སྒྲུབ་ཐབས་འདི་གསུངས་སོ།། ཐོག་མར་དང་བའི་དད་པ་རབ་ཏུ་གཅེས།། བཀའ་ཡི་གནས་སམ་དགའ་བའི་གནས་དག་ཏུ།། དབང་ཐོབ་བྱ་ཕྱིར་བླ་མ་མཉེས་བྱ་ཞིང་།། དཀྱིལ་འཁོར་བྲིས
152a5 ནས་དམ་ཚིག་དབང་དག་ནོད།། དགོས་པ་བསྒྲུབ་ཕྱིར་མན་ངག་ཐོབ་པར་བྱ།། མན་ངག་ཐོབ་ནས་བསྙེན་བསྒྲུབ་མཐའ་རུ་དབྱུང་།། བསྙེན་པ་བྱ་ཕྱིར་མཐུན་རྫས་འབད་དེ་བསག། ལུང་གི་གནས་སུ་ས་ཡི་དཀྱིལ
152a6 འཁོར་བྱ།། འདོམ་གང་གྲུ་བཞི་དུག་ཁྲག་ཆག་ཆག་གདབ།། འཁོར་ལོ་རྩིབས་བརྒྱད་གྲུ་གསུམ་ཟླ་གམ་གསུམ།། གྲུ་ཆད་སྒོ་བཞི་ལྕགས་རི་ལུགས་བཞིན་བྱ།། ཐོད་པའི་ཕྲེང་བ་རྡོ་རྗེ་ར་བ་གུར།། བསྐལ་པའི་མེ་རི
iiif viewer powered by OpenSeadragon
