| e-texts navigator |
| Wylie |
151b1 ན།། ཁྱེད་ཀྱིས་དངོས་གྲུབ་དམ་པ་བདག་ལ་སྩོལ།། ཀཱ་ལ་རཱུ་པ་ཆེ་གེ་མོ་བྷ་ག་ཧྲཱིཿཥྚྲྀཿན་ཧཱུཾ་ཕཊ། གང་དག་གཤིན་རྗེ་གཤེད་པོ་ཡིས།། དེ་ལས་བེ་ཅོན་ཕྱག་རྒྱར་གསལ།། འདི་ནི་ཕྱག་རྒྱའི་སྲོག་མཆོག་པས།། ཡང
151b2 དག་བསྟན་པ་ཡང་དག་གསལ།། ཕྱག་རྒྱ་བཅིངས་པར་གྱུར་པ་འདི།། ཁྲོ་བོའི་སྙིང་པོར་བསྔགས་པར་བྱེད།། མཚོན་ཆ་མི་ལུས་པ་ཡི་གཙོ།། བདུད་དང་དགྲ་བགེགས་ཞི་བར་བྱེད།། ན་མོ་བུདྡྷ་དྷརྨ་སང་གྷེ་བྷྱཿ། ཨོཾ
151b3 སརྦ་ཏ་ཐཱ་ག་ཏོ་ཏི་བྱི་ཛཱ་ཡ། ཨག་ནེ་ཛྭ་ལ་ནི་ཧྲཱིཿཥྚྲྀཿཧཱུཾ་ཕཊ། ཅེས་འཁོར་རྣམས་ཀྱིས་རབ་ཏུ་བསྟོད་དོ།། དཔལ་ཟླ་གསང་ནག་པོའི་རྒྱུད་ལས། གཏུམ་ཆེན་ལ་བསྟོད་པའི་སྐབས་ཏེ་སོ་གསུམ་པའོ།། །། དེ་ནས
151b4 བཅོམ་ལྡན་འདས་འཇིགས་བྱེད་ཆེན་པོ་ལ་འཁོར་རྣམས་ཀྱིས་རང་རང་གི་དགྱེས་པའི་བསྟོད་པ་ཕུལ་ནས་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་དང་། སྟོང་གསུམ་མུན་པར་གཏོང་བ་རྣམས་ཀྱིས་མགྲིན
151b5 གཅིག་ཏུ་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ།། ཧེ་ཧེ་དཔའ་བོ་ཡབ་གཅིག་མཆོག། འཇིགས་བྱེད་ཆེན་པོ་གཤིན་རྗེ་གཤེད།། དཔའ་བོའི་འཁོར་དུ་འདུས་འཁོར་འདུད།། གཤེད་པོས་བསྐོས་པའི་བཀའ་རྣམས
151b6 ཉན།། བདག་ཅག་འཁོར་གྱི་བདུད་པོ་རྣམས།། ཕྱིན་ཅི་ལོག་རྣམས་འདུལ་སླད་དུ།། ཚུལ་བཞིན་བསྒྲུབ་ན་ཇི་ལྟར་བསྒྲུབ།། རྫས་དང་ཡོ་བྱད་གང་ལ་བརྟེན།། ལས་ལ་གཏད་ན་ཇི་ལྟར་གཏད།། ལོག་པའི་སྦྱོར་བ་ཅི
iiif viewer powered by OpenSeadragon
