| e-texts navigator |
| Wylie |
149a1 གཙོ་ལ་འཁྱུད།། གཡོན་པ་དུང་དམར་གཙོ་ལ་སྟོབ།། ཡབ་གཅིག་འཇམ་དཔལ་བཀའ་བྱུང་གིས།། དམ་རྫས་གཏོར་མ་འདི་ལོངས་ལ།། བསྟན་པ་འཇིག་པའི་གཤེད་མ་མཛོད།། བདུད་པོ་བཅུ་ཡིས
149a2 ཁྲམ་ལ་ཐོབ།། གིང་ཆེན་བཅོ་བརྒྱད་ལས་ལ་སྐུལ།། འཆི་བདག་འཁོར་ལོའི་ལག་ཏུ་གཏོད།། དུས་ལ་བབ་པོ་ས་མ་ཡ།། དམ་ལས་མ་འདའ་ཕྲིན་ལས་མཛོད།། ཡབ་ཡུམ་གཉིས་མེད་ཐུགས་ཀྱི་སྲས།། འོག་ཕྱོགས
149a3 གཤིན་རྗེ་ཐོད་དབྱུག་ནི།། ནག་པོ་ལག་ན་ཐོ་བ་བསྣམས།། ཆིབས་སུ་ས་བདག་སྒེག་པ་ཆིབས།། ས་བདག་སྟོང་ཁྱབ་མགོ་འཕྱངས་མ།། ཁྲོ་མོ་ནག་མོ་རལ་པ་ཅན།། གཡས་པ་ཐབས་ཀྱི་གཙོ་ལ་འཁྱུད།། གཡོན་པ
149a4 དུང་དམར་གཙོ་ལ་སྟོབ།། ཡབ་གཅིག་འཇམ་དཔལ་བཀའ་བྱུང་གིས།། དམ་རྫས་གཏོར་མ་འདི་ལོངས་ལ།། བསྟན་པ་འཇིག་པའི་གཤེད་མ་མཛོད།། བདུད་པོ་བཅུ་ཡིས་ཁྲམ་ལ་ཐོབ།། གིང་ཆེན་བཅོ་བརྒྱད་ལས
149a5 ལ་སྐུལ།། འཆི་བདག་འཁོར་ལོའི་ལག་ཏུ་གཏོད།། དུས་ལ་བབ་པོ་ས་མ་ཡ།། དམ་ལས་མ་འདའ་ཕྲིན་ལས་མཛོད།། ཅེས་བཅོམ་ལྡན་འདས་འཇིགས་བྱེད་ཆེན་པོས་འཁོར་རྣམས་ལས་ལ་བསྐུལ་ཏེ།། སོ་སོའི
149a6 གཤེད་བསྐོས་སོ།། འཇམ་དཔལ་ཟླ་གསང་ནག་པོའི་རྒྱུད་ལས། ཕྱོགས་སྐྱོང་གི་གཤེད་བསྐོ་བའི་སྐབས་ཏེ་སོ་གཅིག་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས། ཉིན་བཞིའི་ལྷའི
iiif viewer powered by OpenSeadragon
