| e-texts navigator |
| Wylie |
143b1 བྱེད་འདི།། གཤིན་རྗེ་གཤེད་པོས་རབ་ཏུ་བསྔགས།། རྡོ་རྗེ་འཛིན་པས་རབ་ཏུ་ཟུང་།། དཔལ་ཟླ་གསང་ནག་པོའི་རྒྱུད་ལས། ནག་པོ་གསལ་བྱེད་སྒྲོན་མའི་སྐབས་ཏེ་རྩ་བརྒྱད་པའོ།། །། གཤིན་རྗེ་གཤེད
143b2 ཀྱིས་གསུངས་པའི་དོན།། ཉོན་ཅིག་ཟུང་ཞིག་རྡོ་རྗེ་འཛིན།། གསང་བར་བརྒྱུད་དུ་བརྣག་པའི་ལུང་།། དོན་གཉིས་དག་ཏུ་ཤེས་པར་བྱ།། བསྙེན་བསྒྲུབ་དང་ནི་ཕྲིན་ལས་སོ།། བསྙེན་པ་ལ་ཡང་རྣམ་གཉིས་ཏེ།། སྔོན
143b3 དུ་འགྲོ་བའི་ཆོ་ག་སྟེ།། བསོད་ནམས་བསག་པར་བསྟན་པ་དང་།། བསྙེན་པ་དངོས་ཉིད་བསྟན་པའོ།། ཐབས་དང་དགོས་པ་རྣམ་གཉིས་ཀྱིས།། བསོད་ནམས་བསགས་པའི་ཆོ་གར་འདོད།། ངོ་བོ་དབྱེ་བ་ངེས
143b4 པའི་ཚིག། དགོས་ཆེད་རྣམ་པ་བཞི་ཡིན་ནོ།། བསྙེན་པའི་དབྱེ་བ་བསྟན་པ་ཡིན།། བསྒྲུབ་པ་ལ་ཡང་བཅུ་གཉིས་ཏེ།། གནས་དང་བརྟུལ་ཞུགས་མཚན་མ་གཞག། མཆོད་རྫས་གཞག་དང་དངོས་གྲུབ་རྟེན།། དམ་ཚིག
143b5 ཏིང་འཛིན་འཕྲོ་འདུ་དང་།། གྲུབ་པའི་རྟགས་དང་བླང་བའི་ཐབས།། བར་དུ་གཅོད་པའི་བགེགས་དང་ནི།། སྒྲུབ་པའི་དུས་དང་སྤོགས་པའི་ཐབས།། སྤོགས་པ་ཆེན་པོའི་ཆོ་ག་སྟེ།། དྲག་ཤུལ་ཏིང་འཛིན་བཅུ་གཉིས
143b6 ཀྱིས།། དངོས་གྲུབ་བླང་བའི་ཆོ་གར་འདོད།། ཕྲིན་ལས་དག་ལ་རྣམ་གསུམ་སྟེ།། འཁོར་ལོ་བསྐོར་དང་གནན་བསྲེག་པའོ།། དུས་དང་གང་ཟག་བསྐོར་བའི་གནས།། ངོ་བོ་དབྱེ་བ་ངེས་པའི་ཚིག། འཁོར་ལོ་རྒྱུ་རྐྱེན
iiif viewer powered by OpenSeadragon
