| e-texts navigator |
| Wylie |
142a1 ལག་བཞི་ནས་འཇོམས།། གདུང་བརྒྱད་རླག་བྱེད་འཇོམས་པའི་ལས།། རྩ་ཆེན་བརྒྱད་དང་རྣམ་ཤེས་བརྒྱད།། དེ་དག་རིམ་གྱིས་འཇོམས་པར་བྱེད།། ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ
142a2 ད་ཡོ་ནི་ར་ཡཀྵེ་ཡ། ཡཀྵེ་ཡཙྪ་ནི་རཱ་མ་ཡ། ཞེས་པ་ཀ་བཞི་གདུང་བརྒྱད་དོ།། གདུང་རེ་ལ་ཡང་ཀ་ཆེན་བཞི།། རྩ་རླུང་བཞི་དང་རྩ་ཆེན་བཞི།། ཀ་བཞི་རྩ་རླུང་བཞི་ཡང་འཇོམས།། གདུང་བརྒྱད་རྩ་ཆེན་བརྒྱད་ཀྱང
142a3 འཇོམས། ཡ་མཱནྟ་ཀ། ཡ་མ་རཱ་ཛ། ས་དོ་མེ་ཡ། ཡ་མེ་དོ་རུ། ཎ་ཡོ་ད་ཡ། ཡ་ད་ཡོ་ནི། ར་ཡ་ཀྵེ་ཡ། ཡཀྵེ་ཡཙྪ། ནི་རཱ་མ་ཡ། ཡ་ལ་སོགས་པ་བཅུ་གཉིས་ནི།། ཡ་མཱནྟ་ཀ་ཡབ་ཡུམ་གཉིས།། ཕྱོགས་སྐྱོང་བཅུ་ཡི་སྙིང
142a4 པོ་ཡིན།། ཕྱི་མ་ལྷ་གཞན་སྙིང་པོ་སྟེ།། ཡིག་འབྲུ་སུམ་ཅུ་རྩ་གཉིས་ནི།། འཕྲུལ་གྱི་ཡིག་འབྲུ་སུམ་ཅུ་གཉིས།། ཡ་སྩོགས་བརྒྱད་པ་ཞེས་ཀྱང་གྲགས།། ཚོགས་བརྒྱད་འཇོམས་པའི་ཕུང་སྲི་སྟེ།། ཡེ་ཤེས་ལྷ་ཡི་སྙིང་པོ
142a5 དང་།། འཇིགས་བྱེད་ལྷ་སྲིན་ཀུན་གྱི་སྙིང་པོ་སྟེ།། ཤིན་ཏུ་གསང་བར་གཤེད་པོས་བཤད།། དཔལ་ཟླ་གསང་ནག་པོའི་རྒྱུད་ལས། ཀ་བཞི་གདུང་བརྒྱད་ཀྱི་སྐབས་ཏེ་རྩ་དྲུག་པའོ།། །། དེ་ནས་ཡང་བཅོམ
142a6 ལྡན་འདས་འཇིགས་བྱེད་ཆེན་པོས། ཐུགས་གསང་བ་འབྲུ་ཤག་གྲོང་ཁྱེར་འདི་གསུངས་སོ།། ཡ། མ། རཱ། ཛ། ས། ད། མེ། ཡ། ཡ། མེ། དོ། རུ། ཎ། ཡོ། ད། ཡ། ཡ། ད། ཡོ། ནི། ར། ཡ། ཀྵེ། ཡ། ཡ། ཀྵེ། ཡ།
iiif viewer powered by OpenSeadragon
