| e-texts navigator |
| Wylie |
138a1 ན་ཐེབ་པ་ཡིན།། དགའ་ཞིང་གསལ་ན་འགྲུབ་པ་ཡིན།། དགྲ་བོའི་ཚད་མ་བཀའ་སྩལ་པ།། མི་གོ་མི་གསལ་བྱིང་བ་ནི།། རྒྱབ་བརྟེན་ཡོད་པས་མྱུར་མི་འགྲུབ།། བདག་པས་ཁོ་དག་ཟོར
138a2 མཐོ་ན།། བརྒྱབ་པས་མ་མོར་བསྐང་བཟློག་བྱ།། གཡག་རུ་བྱུང་ནས་གསད་ན་ལོ་རུ་འགོར།། ཏིང་འཛིན་གསལ་ཞིང་དངོས་བྱུང་ན།། ལོ་ཕྱེད་ཚུན་ཆོད་འགྲུབ་པར་བཤད།། ཏིང་འཛིན་གསལ་ཞིང་འཚིག་བྱེད
138a3 ན།། ཟླ་བ་ཚུན་ཆད་འཆི་བར་བཤད།། དེ་ནི་མི་འགྱུར་པ་ཡི་རྟགས།། ཕྱི་མ་རྣམས་ནི་ཡིད་མི་བརྟན།། གཡོན་གྱི་དྲིལ་སྔགས་དམ་ཚིག་ཡང་སྙིང་ལས།། སྔགས་འདི་དྲིལ་ལ་བྱ་བར་བཤད།། རྩ་བ་ཡང་སྙིང་དྲུག་པོ
138a4 དང་།། འབྲུ་དགུ་པོ་ན་སྐུ་བསྐྱེད་དང་།། དེ་དག་ཉེ་བར་བསྙེན་པའོ།། སྲོག་གི་རྩ་བ་མཇུག་སྡུད་དོ།། ཡང་སྙིང་བསྒྲུབ་དང་ལས་བསྒྲུབ་པའོ།། དབྱངས་དང་དམ་ཚིག་དེ་ཁོ་ཉིད།། ལས་དེ་གང་བྱེད་མཇུག་ལ
138a5 གདགས།། སྒྲོ་འབོག་ལྐུགས་པ་ལྷོག་པ་དང་།། ཕོ་ལྐོག་གླང་འཐབ་གཟེར་ནད་དང་།། ཁྲག་སྨུག་རིམས་ནད་མཛེ་ཤུ་དང་།། ལྟས་ངན་ཆོ་འཕྲུལ་ཐོག་སེར་དང་།། གསོ་བསད་དབབ་བཅད་གང་བྱེད་ཀྱང་།། རྩ་བ
138a6 དམ་ཚིག་ཡང་སྙིང་དང་།། དབྱངས་ཀྱི་ཡང་སྙིང་མཇུག་དག་ལ།། སོ་སོའི་སྲོག་གི་སྙིང་པོ་དང་།། ལས་གང་བྱེད་པའི་སྔགས་དག་ནི།། འབྲུ་རེ་བཏགས་པས་འགྲུབ་པར་བཤད།། ཕྱི་ནས་བསྙེན་པ་རྫོགས་པ
iiif viewer powered by OpenSeadragon
