| e-texts navigator |
| Wylie |
134b1 བཤད།། ལག་ན་རྡོ་རྗེས་རབ་ཏུ་ཟུང་།། དཔལ་ཟླ་གསང་ནག་པོའི་རྒྱུད་ལས། འཁོར་ལོ་མནན་པའི་སྐབས་ཏེ་རྩ་གཅིག་པའོ།། །། དེ་ནས་བཅོམ་ལྡན་གཤིན་རྗེའི་གཤེད་པོས་འདི་སྐད་ཅེས་བརྗོད
134b2 དོ།། བདག་དོན་མ་ཡིན་གཞན་དོན་ནམ།། དཀོན་མཆོག་བླ་མའི་དོན་ཆེད་དུ།། རཱ་ཏྲ་གདུག་པ་ཚར་གཅད་ན།། སྔགས་ཀྱི་དངོས་གྲུབ་ཐོབ་ནས་འགྲུབ།། དཔེར་ན་དཔའ་བོ་སྐྱེས་བུ་ཡིས།། གཡུལ་ངོ་བཟློག་པར
134b3 འདོད་པ་ཡིས།། གོ་དང་མཚོན་ལ་ནན་ཏན་བསྐྱེད།། དེས་ནི་གཡུལ་རྣམས་བཟློག་པར་འགྱུར།། གོ་མཚོན་མགར་ལ་རག་ལས་ཕྱིར།། དཔའ་བོས་མགར་ལ་བརྟེན་པར་བྱ།། མགར་གྱིས་རྡོ་ལ་ལྕགས་སུ
134b4 བཞུ།། ལྕགས་ལ་གོ་དང་མཚོན་ཆ་བརྡུང་།། དེ་ནས་འཐར་ལ་ནན་ཏན་བསྐྱེད།། ཏིལ་མར་ངར་ཡང་ཡིད་འཐད་བླུད།། དེ་ནས་བརྡེག་ཐབས་ཤེས་པར་བྱ།། དེ་བཞིན་རྣལ་འབྱོར་ཆེན་པོས་ཀྱང་།། ཐོགས་མར་བླ་མ
134b5 མཉེས་བྱའི་ཕྱིར།། རབ་ཏུ་གཅེས་དང་ཡིད་འཐད་དབུལ།། གནང་བར་དཀའ་བའི་དབང་ཡང་མནོས།། མན་ངག་གནང་ནས་སྦྱར་ལ་བསྒྲུབ།། སྙིང་པོ་དོན་ཐབས་ལྷར་ཤེས་བྱ།། དྲུག་འབུམ་གསུམ་འབུམ་གཅིག
134b6 འབུམ་དང་།། གཞན་ཡང་འབུམ་གཅིག་ཤེས་པར་བྱ།། དེ་ནས་མཁས་པས་ཕྲིན་ལས་བྱ།། དུས་དང་ཕྱོགས་ནི་མཁས་པས་བརྟག། ཁྲི་ཁྲི་བར་དུ་སྤྱི་རྒྱུག་བྱ།། ཕྲིན་ལས་དག་ལ་རྣམ་པ་གསུམ།། འཁོར་ལོ་སྦྱིན
iiif viewer powered by OpenSeadragon
