| e-texts navigator |
| Wylie |
133a1 འཁོར་ལོ་མནན་པ་འདི།། ལག་ན་རྡོ་རྗེས་རབ་ཏུ་ཟུང་།། ཤིན་ཏུ་དགོན་པའི་གནས་ཉིད་དུ།། དུར་ཁྲོད་གླིང་ནས་རས་བླངས་ཏེ།། འཁོར་ལོ་རིམ་པ་ཚུལ་བཞིན་དུ།། མཱ་ར་ཡ་ཡི་ལིངྒ་ཉིད།། ཇི་བཞིན
133a2 འདོད་པའི་དབྱིབས་སུ་བཅའ།། གོང་མའི་བསྙེན་པ་རྫོགས་པ་དང་།། འཁོར་ལོ་ཐབས་ཀྱི་དམ་རྫས་དེ།། མཆོད་རྟེན་འོག་ཏུ་གནན་པར་བྱ།། བདག་ཉིད་གཤེད་པོར་བསྒོམ་བྱས་ལ།། མཆོད་རྟེན་དེ་ཉིད་ངོ་བོ
133a3 ཡང་།། རི་རབ་གླིང་བཞི་ཆས་པར་བསྒོམ།། རི་རབ་ལྟོ་ན་བཞུགས་པ་སྟེ།། སྒྲོལ་བའི་ཡུམ་དང་སྦྱོར་བའི་ཡུམ།། ཤར་དང་ནུབ་ཏུ་གནས་པར་བྱ།། བྱང་ན་སྲས་མཆོག་གནས་པར་བསྒོམ།། དེ་བཞིན་རབ་ཏུ་མནན
133a4 ཅིང་གཟིར།། རི་རབ་ཟུར་བཞིར་ལཾ་སེར་བཞི།། དེ་ལས་གླིང་ཕྲན་བཅུ་གཉིས་བསམ།། རི་རབ་འོག་ཏུ་གཟས་པ་པོ།། གཤིན་རྗེ་རལ་པ་ཚར་དགུ་ཡིས།། ལྕགས་ཐག་སྔོན་པོས་བཅིངས་པ་དེ།། བམ་རིལ་མནན
133a5 ནས་ལྕགས་ཕུར་ལ།། དཔག་བསམ་ཤིང་ཙམ་བཏགས་པ་སྟེ།། སྒྲ་སྒྲོགས་ཁ་ནས་ཁྲག་སྐྱུགས་གན་བུབ་ཅིང་།། མིག་རྩ་རིག་རིག་འོ་དོད་འབོད།། ཅི་མཛད་ཐོང་ཞིག་ཟེར་ཟིང་མནན་པར་བསམ།། འཁོར་ལོ་བྲི་བའི
133a6 དུས་སུ་ཡང་།། དམིགས་པའི་མིང་དག་གཞུག་པ་ནི།། འཁོར་ལོ་ཉིད་ལ་མི་ཤོང་ཞིང་།། མི་བཏུབ་པ་རྣམས་གུད་དུ་བྲི།། དེ་དག་བྲིས་ཏེ་གདགས་པར་བྱ།། གནས་དང་ཐབས་ནི་འདི་ཡིན་ཏེ།། ཡ་ལ་སོགས་པའི་ཡི
iiif viewer powered by OpenSeadragon
