| e-texts navigator |
| Wylie |
132a1 ཚིག་བསྲུང་སྡོམ་མི་ཉམས་བསྲུང་།། བཀའ་ལ་བཤད་པ་རྗེས་མཐུན་པར།། རྫས་དང་ལག་ཆ་མཐུན་བསྡེབས་ཤིང་།། རྟག་ཏུ་དུར་ཁྲོད་དགོན་པར་དགའ།། དུས་དང་ལོ་ཚིགས་དམ་བཅས་པ།། མི
132a2 འདའ་གཞུང་ལྟར་བྱེད་པ་སྟེ།། མཚན་མ་མཐོང་དང་བཟླས་པ་རྫོགས།། རྒྱུན་གྱི་ཡི་དམ་ཆེ་བ་སྟེ།། དེ་ལྟ་བུ་ཡི་རྣལ་འབྱོར་པ།། བདེན་པ་གྲུབ་པའི་ནུས་པ་ཡོད།། ཤེས་རབ་སྙིང་རྗེ་རབ་ལྡན་པའི།། དབང་ཐོབ་དམ
132a3 ཚིག་སྲོག་ལྟར་བསྟེན།། མི་འཇིགས་དཔའ་བོ་བརྟུལ་ཞུགས་ཅན།། མན་ངག་ཡོད་པའི་རྣལ་འབྱོར་པས།། རང་དོན་ཕྲན་ཚེགས་མ་ཡིན་པའི།། དཀོན་མཆོག་དབུ་འཕང་སྨོད་པ་དང་།། བསྟན་ལ་ཞེ་སྡང་གནོད་བྱེད
132a4 པ།། བཀའ་གསང་སྟོན་པས་བཤད་པ་ཡི།། དྲག་པོའི་མངོན་སྤྱོད་ཟབ་མོའི་ལུང་།། གཤིན་རྗེ་གཤེད་པོ་བདག་གིས་ཀྱང་།། ཐུགས་ཀྱི་སྒོམ་ནས་བཏོན་པ་འདི།། འཁོར་ལོ་བྱད་སྟེམས་བརྣག་པའི་ལུང་།། མན་ངག
132a5 ཅན་གྱིས་དེ་ཤེས་བྱ།། ལས་ཀྱི་བྱ་བ་ཐུན་ཚགས་རྣམས།། མན་ངག་དོན་གྱིས་ཤེས་པར་བྱ།། ཅུང་ཟད་མི་མཐུན་མཆོད་བསྟོད་རྣམས།། ཟླ་གསང་ནག་པོའི་རྒྱུད་དག་ལས།། གསང་བ་མཛེས་ཐུན་གཞུང་ལྟར་བྱ།། དེ
132a6 ལ་མཆོད་པ་གསུངས་པ་ནི།། མཆོད་པ་ཆེན་པོ་འདོད་ཆགས་ཆེ།། དཀྱིལ་འཁོར་ཆེན་པོ་ཡང་པ་ཡིན།། ཚིགས་བཅད་བཅུ་དྲུག་ཐ་མ་ལ།། འཇམ་དཔལ་དཔལ་དང་ལྡན་པའི་མཆོག། འགྲོ་ལ་ཕན་པའི་གཙོ་ཆེན
iiif viewer powered by OpenSeadragon
