| e-texts navigator |
| Wylie |
130a1 པར།། ག་བུ་རྫས་ཀྱི་སྦྱོར་བ་དེ།། འབྱུང་པོའི་གཏོར་མ་གཤིན་རྗེ་ལ།། བྱིན་ལ་ལག་ཏུ་གཏད་ཁྲམ་བྱ།། རང་གི་ཡི་དམ་བསྒོམ་བྱ་ཞིང་།། བྱིན་གྱིས་བརླབས་པའི་གཏོར་མ་ནི།། ས་སྲོས་ཚེ་ན་ལྷོ་ཕྱོགས
130a2 གཏང་།། སྒྲོལ་བའི་དྲག་སྔགས་བརྣག་པའི་ལུང་།། བསྟན་པ་བསྲུང་བ་གནན་པའི་གཏེར།། ཕྲིན་ལས་དྲག་པོ་སྔགས་ཀྱི་མཚོན།། འཁོར་ལོ་ཐུན་སྡེབས་སྒྲོལ་བའི་འཕྱོང་།། རྡོ་རྗེ་སེམས་དཔའ་གཟུངས་ཤིང
130a3 ཆོངས།། དཔལ་ཟླ་གསང་ནག་པོའི་རྒྱུད་ལས།། འཁོར་ལོ་ཐུན་སྡེབས་ཀྱི་སྐབས་ཏེ་བཅུ་དགུ་པའོ།། །། དེ་ནས་གཤིན་རྗེ་གཤེད་པོས་འདི་སྐད་བརྗོད།། བསྟན་པ་སྲུང་བ་བརྣག་པའི་ལུང་།། ཐུགས་ཀྱི་མན
130a4 ངག་སྔགས་ཟོར་མཆོག། སྒྲོལ་བའི་ཕྲིན་ལས་སྦྱོར་ཐབས་སུ།། འཁོར་ལོ་བྱད་སྡེབས་མན་ངག་འཕྱོང་།། བཀའ་ཡི་བསྟན་པ་བསྲུང་བའི་ཕྱིར།། རང་སེམས་དག་པའི་རྣལ་འབྱོར་པས།། སྙིང་རྗེ་དག་ཏུ་སྲོག་ལྟར
130a5 བརྟེན།། བྱམས་དགའ་བཏང་སྙོམས་དེ་བཞིན་དུའོ།། མདོ་སོགས་འདོན་ཞིང་བསམ་གཏན་བྱ།། རྒྱུན་གྱི་ཡི་དམ་རྩེ་གཅིག་པས།། བླ་མ་དག་ལ་རྟག་ཏུ་བཀུར།། དེས་ཀྱང་དཀྱིལ་འཁོར་ཚུལ་བཞིན་གཞུག། ཐེག
130a6 ཆེན་དམ་ཚིག་སྡོམ་པ་བཤད།། རང་གི་སྔགས་དང་ཕྱག་རྒྱ་བསྟེན།། སྒྲུབ་ཐབས་མན་ངག་ལེགས་པར་བླང་།། དེ་ནས་མཆོད་པ་ཆོ་ག་བཞིན།། ཉིན་རེ་དག་ཏུ་བྱས་ནས་ཀྱང་།། སྐུ་གཟུགས་དང་ཀྱང་འབད་དེ
iiif viewer powered by OpenSeadragon
