| e-texts navigator |
| Wylie |
127b1 རྣལ་འབྱོར་པས།། བསྟན་པ་གཉེན་པོ་བསྲུང་དོན་དུ།། དགོན་པ་ཆེན་པོ་གནས་མལ་དེར།། བྱ་བྱེད་ཟང་ཟིང་འདུ་ལོང་སྤང་།། འཚོ་བའི་ཡོ་བྱད་དཔགས་ཏེ་བསྟར།། བྱ་བ་ཐམས་ཅད་ཟིན་ནས་ནི།། བདེ་བའི་སྟན
127b2 ལ་འདུག་ནས་ནི།། བསྐྱེད་དང་རྫོགས་པའི་རིམ་པ་དེ།། ཏིང་འཛིན་གསལ་དང་བརྟན་པ་ཡི།། ལྷ་ཡི་རྣལ་འབྱོར་རྩེ་གཅིག་བྱ།། ཐུན་མོང་དམ་ཚིག་བསྲུང་ཞིང་བསྒྲུབ།། ཁྱད་པར་དམ་ཚིག་སྤྱོད་ཅིང་དོར།། བསྙེན
127b3 བསྒྲུབ་ཕྲིན་ལས་གཞུང་བཞིན་བྱ།། ཚང་ཞིང་རྫོགས་པའི་གྲངས་བསྙེན་ལ།། འཁོར་ཞིང་ཕྱིན་པ་དུས་བསྙེན་ཡིན།། མཐོང་ངམ་ཐོས་སམ་ཉམས་སུ་ལེན།། མཚན་མའི་བསྙེན་པ་རྫོགས་པ་དང་།། ཞི་རྒྱས་གཉིས་ཀྱི
127b4 འཁོར་ལོས་མཆོད།། དབང་དྲག་གཉིས་ཀྱི་འཁོར་ལོས་མནན།། ཞི་རྒྱས་གཉིས་ཀྱི་བསྲུང་ཕན་གདགས།། དབང་དྲག་གཉིས་ཀྱིས་བསྒྲལ་བར་བྱ།། འཁོར་ལོ་གཞན་ཡང་ཅི་རིགས་པར།། དབྱེ་བསྐྲད་དགུག་སོགས
127b5 གཞུང་བཞིན་བྱ།། གང་འདོད་ལས་དེ་བསྒྲུབ་བྱས་ན།། འཁོར་ལོའི་རྒྱུ་དང་སྣག་ཚ་དང་།། ཕྱོགས་དང་བསམ་སྦྱོར་རིམ་པ་དང་།། ཁ་དོག་སོ་སོའི་མཐུན་རྫས་ནི།། རིམ་པ་ཅན་གྱི་དེ་ཤེས་བྱ།། དེ་ལ་འཁོར་ལོ་ཞེས
127b6 གྲགས་པ།། ངོ་བོ་ངེས་ཚིག་རྣམ་གྲངས་སོ།། ངོ་བོ་སྤྱི་ཡི་མཚན་ཉིད་ནི།། རྣམ་པ་གཞན་དུ་འགྱུར་ཞིང་འགྲོ།། སོ་སོ་རང་གི་མཚན་ཉིད་ནི།། གང་ལ་བཏབ་པ་དེ་ལྟར་སྣང་།། ངེས་པའི་ཚིག་ཀྱང་དེ་བཞིན་ཏེ།། རྣམ
iiif viewer powered by OpenSeadragon
