| e-texts navigator |
| Wylie |
127a1 ལག་ན་རྡོ་རྗེས་འདི་སྐད་ཅེས་གསོལ་ཏོ།། ཧེ་ཧེ་དཔའ་བོ་ཆེན་པོ་འཇིགས་བྱེད་གཤེད།། དྲག་པོ་གསང་བའི་འཁོར་ལོ་ལ།། སྐྱོད་པའི་རྟ་དང་འབེབས་པའི་སྔགས།། སྡེབས་པའི་གྲོགས་དང་རྣོ་བའི
127a2 རྫས།། དེ་བཞིའི་རྐྱེན་དང་མ་ལྡན་ན།། འདམ་ལ་བཏབ་པའི་ཕུར་པའམ།། ཁྲི་མུན་ནང་ནས་གཡུ་འཚོལ་འདྲ།། མཐུ་སྟོབས་བདག་པོས་འདི་སྐད་གསོལ།། སྐྱོད་པའི་རྟ་ནི་གང་ལ་བགྱི།། འདེབས་པའི་སྔགས་ནི
127a3 གང་ལ་བགྱི།། སྡེབས་པའི་གྲོགས་ནི་གང་ལ་བགྱི།། རྣོ་བའི་ངར་ནི་གང་ལ་བགྱི།། ཡབ་ཅིག་འཇམ་དཔལ་བཀའ་སྩོལ་ཅིག། གཤིན་རྗེ་གཤེད་པོས་འདི་སྐད་བརྗོད།། ཉོན་ཅིག་ཟུང་ཞིག་རྡོ་རྗེ་འཛིན།། དྲག་པོ
127a4 གསང་བའི་འཁོར་ལོ་ལ།། སྐྱོད་པའི་རྟ་དང་མི་ལྡན་ན།། རླུང་ནག་འཚུབས་མ་འཕྱོས་པ་འདྲ།། འདེབས་པའི་སྔགས་དང་མི་ལྡན་ན།། ནམ་མཁའ་སྤྲིན་གྱིས་འགགས་པ་འདྲ།། སྡེབས་པའི་གྲོགས་དང་མ་ལྡན
127a5 ན།། དཔའ་བོ་གཏིང་གནོན་མེད་པ་འདྲ།། རྣོ་བའི་ངར་དང་མི་ལྡན་ན།། མཚོན་ཆ་རྩེ་མོ་རྟུལ་བ་འདྲ།། དེ་བཞིན་གྲོགས་རྣམས་ངས་བཤད་ཀྱི།། ལག་ན་རྡོ་རྗེས་རབ་ཏུ་ཟུང་།། བཀའ་དང་གཞུང་བཞིན་མ་ནོར
127a6 བའི།། བསྲུང་བའི་སྡོམ་པ་མ་ཉམས་པར།། རྫས་དང་ལག་ཆ་ལྡན་པ་དང་།། བསམ་ལྡན་བཟླས་བརྗོད་སྲན་ཚུགས་ཤིང་།། དམ་ཚིག་བསྲུང་ཞིང་དྲག་ཤུལ་སྤྱོད།། ལྟ་སྤྱོད་བསྒྲུབ་པ་ལྡན་པ་ཡི།། དཔའ་རྟུལ་ཅན་གྱི
iiif viewer powered by OpenSeadragon
