| e-texts navigator |
| Wylie |
124b1 ཉིད་ཀྱང་རབ་ཏུ་བཟླས།། ཨོཾ་ས་མ་ཡ་མཉྫུ་ཤྲཱི།། ཨ་ཀྲོ་ཏེ་ཀ་ཀཱ་ལ་རཱུ་པ་ཧཱུཾ་ཕཊ། ཅེས་བཟླས་ལ།། ཉི་ཤུ་དྲུག་གི་སྔ་དྲོ་ལ།། རོ་རས་བཀྲུ་དང་བརྒྱད་སྤྱད་བྱ།། ཉི་ཕྱེད་མན་ཆད་སྣག་ཚ་མཉེ།། དབང་དུ་བསྡུ་བའི
124b2 སྔགས་འདི་བཟླས།། ཨོཾ་དུ་མནྟ་ཀ་ར་ཧཱུཾ་ཧཱུཾ་ཕཊ་ཕཊ།། ཅེས་བརྗོད།། སྣག་ཚ་མཉེ་བའི་ལས་ཟིན་ནས།། དེ་བཞིན་དགོད་ཀ་འཁོར་ལོ་བྲི།། བྲི་བ་ཟིན་ནས་ལྷར་ཕྱག་འཚལ།། བཀའ་བདེན་པ་འགྲུབ་པར་གྱུར་ཅིག
124b3 ཅེས་བྱ།། ཡང་ན་དུར་ཁྲོད་རས་མེད་ན།། ཐོད་པ་དག་ལ་འཁོར་ལོ་བྲི།། ཨག་ཅེའི་ངོས་སུ་འཆི་བདག་གཟུགས་བྲིས་ལ།། གཟུགས་ཀྱི་སྙིང་གར་མིང་བྱང་བྲིས།། དགྲ་ཡི་མིང་རུས་ཐོད་པར་གཞུག། འཁོར་ལོ
124b4 དབུས་ཀྱི་ཡ་ལས་ཀྱང་།། འཆི་བདག་གཤེད་པོའི་སྐུ་རུ་བསྐྱེད།། ཕྱོགས་ཀྱི་ཡ་མ་མེ་དེ་ཀྵེ།། བཞི་ལས་གཤེད་བཞིའི་སྐུར་བསྐྱེད་པས།། བདག་གི་མདུན་དུ་རི་རབ་ལས།། གསེར་གྱི་རི་བདུན་བཅས་པ
124b5 བསམ།། བདག་ཉིད་གཤིན་རྗེ་གཤེད་པོ་ཡི།། རྣལ་འབྱོར་ཆུ་བྱད་ལྡན་བྱས་ལ།། ལག་པ་གཡས་པའི་མཐེ་བོང་ཡང་།། ཆང་པར་བཅུག་ལ་བེ་ཅོན་བསམ།། རི་རབ་བདག་གི་སྤྱིར་བརྡེག་སྟེ།། རི་རབ་རྒྱ་གྲམ་གས
124b6 པར་བསམ།། དེ་བཞིན་སྔགས་འདི་རབ་ཏུ་བརྗོད།། ཨོཾ་ན་མོ་བུདྡྷ་དྷརྨ་སང་གྷེ་བྷྱཿསརྦ་ཏ་ཐཱ་ག་ཏ་ཀྲོ་དྷ་བི་ཛཱ་ཡ་ཨགྣི་ཛ་ལ་ནི་ཛི་ཧཱ་པྲེ་ཏ་ཤི་ཡ་ཧཱུཾ་ཧཱུཾ་ཕཊ་ཕཊ་ཅེས་བརྗོད་པས།། རི་རབ་རྒྱ་གྲམ་གཤག་བསམ
iiif viewer powered by OpenSeadragon
