| e-texts navigator |
| Wylie |
124a1 གཤེགས་པའང་བསམ་བྱས་ཏེ།། བདག་གི་ཐུགས་ཀར་ཡི་གེ་ཡ།། ནག་པོ་མེ་འདྲ་འོད་འབར་བསམ།། དེ་མཐར་བཟླས་པའི་ཡིག་འབྲུས་བསྐོར་བསམ་ལ།། དེ་བཞིན་བདག་གི་ཐུགས་ཀ
124a2 ནས།། སྔགས་ནི་རབ་ཏུ་བཟླས་པ་ལས།། འོད་འཕྲོས་ལས་ཀྱི་གཤིན་རྗེ་ལ།། དེ་ཡི་འོད་ཟེར་ཕོག་གྱུར་པས།། ཐུགས་དམ་བསྐུལ་ནས་དར་ཅིག་ཀྱང་།། འདུག་པའི་དབང་མེད་འོང་བར་འགྱུར།། གཤེད་པོའི་བཀའ
124a3 ཉན་གསུང་སྡོད་བསམ།། ལས་ལ་སྦྱོར་བའི་བསྙེན་པ་སྟེ།། འཆི་བདག་ལས་ཀྱི་གཤིན་རྗེ་རྣམས།། གནས་སུ་གཏོང་བ་གཤེད་པོས་བཤད།། དཔལ་ཟླ་གསང་ནག་པོའི་རྒྱུད་ལས། འཆི་བདག་བདུད་དང་གཤིན་རྗེའི
124a4 བསྙེན་པའི་སྐབས་ཏེ་བཅུ་བདུན་པའོ།། །། དེ་ནས་ཡང་འདི་སྐད་ཅེས་གསུངས་སོ།། ཉོན་ཅིག་ཟུང་ཞིག་རྡོ་རྗེ་འཛིན།། ངས་གསུངས་པ་ལ་ཐེ་ཚོམ་མེད།། གསད་པ་ལས་ཀྱི་བསྙེན་པ་ནི།། ཡིད་འཐད
124a5 མཚན་ལྡན་གནས་དག་ཏུ།། གོང་གི་ལས་ལ་གནས་བྱས་ཏེ།། དེ་ཡང་འཆི་བདག་བསྙེན་པ་ནི།། སུམ་ཅུ་རྩ་གཉིས་དྲིལ་བ་བཟླ་ཞེས་བཤད།། ལས་ལ་སྦྱོར་ཀའི་དུས་དེ་རུ།། སྣ་ལ་རོ་ཚས་རས་བཙལ་ཏེ།། མས་ཡར
124a6 བགྲང་བའི་ཚེས་བརྒྱད་དམ།། ཉི་ཤུ་གཉིས་ཀྱི་ནུབ་མོ་ནི།། དུར་ཁྲོད་གླིང་ནས་རས་བླངས་ལ།། སྨེ་ཁྲག་གསུམ་དུ་བཅུག་བྱས་ལ།། འཆི་བདག་གཤིན་རྗེ་དེ་ལ་བསྟིམ།། ཡབ་ཡུམ་ལས་ལ་སྦྱོར་ཀ་ཡི།། སྔགས་འདི
iiif viewer powered by OpenSeadragon
