| e-texts navigator |
| Wylie |
123b1 བཤད།། དཔལ་ཟླ་གསང་ནག་པོའི་རྒྱུད་ལས།། ཉེ་བའི་བསྙེན་པའི་སྐབས་ཏེ་བཅོ་ལྔ་པའོ།། །། དེ་ནས་བཅོམ་ལྡན་འདས་གཤིན་རྗེ་གཤེད་པོས་འདི་སྐད་ཅེས་གསུངས་སོ།། ཡིད་འཐད་མཚན་ལྡན་གནས
123b2 དག་ཏུ།། གོང་མའི་ལས་རྣམས་མཐར་ཕྱུང་སྟེ།། ཉེ་བསྙེན་ལས་ལ་གནས་ནས་ཀྱང་།། དེས་ནི་རྟགས་བཟང་མཐོང་བར་འགྱུར།། གྲུབ་པའི་རྟགས་ནི་བྱུང་བ་དང་།། ཁྱད་པར་དངོས་གྲུབ་རྫས་བསགས་ཏེ།། དམར
123b3 སེར་བ་ཡི་འོ་མ་དང་།། མར་དང་སྦྲང་རྩི་སྦྱར་བ་དང་།། དངོས་གྲུབ་རྫས་རྣམས་བཀོད་ནས་ཀྱང་།། བདག་གི་ཐུགས་ལས་འོད་ཟེར་ཕར་འཕྲོས་པས།། བདེ་བར་གཤེགས་པ་རྣམས་ཀྱི་ཐུགས་དམ་བསྐུལ།། བྲིས་སྐུ
123b4 དངོས་གྲུབ་རྫས་ལ་ཐིམ་བསམས་ཤིང་།། འབུམ་ཕྲག་གཅིག་གི་བཟླས་པ་བྱའོ།། གཡལ་དང་སྦྲིད་པ་བརྐྱང་བསྐུམ་གཉིད་ཀྱང་སྤང་།། དེ་བཞིན་སྤངས་པས་ཅི་བསམ་འགྲུབ་ཅེས་བཤད།། དཔལ་ཟླ་གསང་ནག།
123b5 པོའི་རྒྱུད་ལས། བསྒྲུབ་པ་ཆེན་པོའི་སྐབས་ཏེ་བཅུ་དྲུག་པའོ།། །། དེ་ནས་ཡང་གཤིན་རྗེ་གཤེད་པོས་འདི་སྐད་ཅེས་གསུངས་སོ།། ཉོན་ཅིག་ཟུང་ཞིག་རྡོ་རྗེ་འཛིན།། ངས་གསུངས་པ་ལ་སེམས་ཐུད
123b6 ཅིག། ཡིད་འཐད་མཚན་ལྡན་གནས་དག་ཏུ།། འབུམ་ཕྲག་གཅིག་གི་བསྙེན་པ་ཡང་།། སྔ་མའི་ལས་སུ་བྱ་བར་གསུངས།། བདག་ཉིད་གཤེད་པོའི་མཐུ་ལྡན་པས།། མདུན་གྱི་རི་རབ་བསམ་པ་དང་།། དེ་བཞིན
iiif viewer powered by OpenSeadragon
