| e-texts navigator |
| Wylie |
120b1 ལྟར་འཁོར་ལོ་བྲི་བ་དང་།། རབས་ཆད་ཕོ་མོའི་ཟོད་པ་དང་།། འཁོར་ལོ་གོང་མ་ལྟར་བྲིས་ལ།། དེ་ཡི་བར་དུ་བཅུག་བྱས་ལ།། ཚོན་སྐུད་ནག་པོས་ཕྱོགས་བཞིར་བཅིངས།། གཞན་ཡང་ཞི་རྒྱས་ལས་བྱེད་ན།། ཁམ
120b2 སའི་གབ་ཅེར་གོང་བཞིན་གཞུག། སོ་སོའི་རིགས་ཀྱི་གཟུངས་ཟག་གདགས།། དེ་ཡིས་གང་ཡང་གདོན་མི་ཟ།། ལས་རྣམས་འགྲུབ་ཅེས་གཤེད་པོས་གསུངས།། དཔལ་གཤིན་རྗེ་ཟླ་གསང་ནག་པོའི་རྒྱུད་ལས།།
120b3 འཁོར་ལོ་བཅའ་གཞིའི་སྐབས་ཏེ་བཅུ་གཅིག་པའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོས་འདི་སྐད་ཅེས་གསུངས་སོ།། དང་པོར་ཏིང་འཛིན་རྣམ་གསུམ་གྱིས།། ལས་ཀྱི་བྱ་བ་གཞན་ཟིན
120b4 ནས།། ཏིང་ངེ་འཛིན་ལ་རབ་འཇུག་པ།། ངས་གསུངས་པ་ལ་སེམས་ཐུད་ཅིག། ཧཱུཾ། ལོག་རྟོག་གཟུང་འཛིན་འཁྲུལ་པའི་ཆོས་ཉིད་དེ།། སེམས་ཀྱིས་བརྟགས་པས་ཅིར་ཡང་མི་སྣང་སྟེ།། མི་གཡོ་མི་བསམ་ཆོས་ཀྱི
120b5 དབྱིངས་ཉིད་དང་།། རིག་པ་སྤྲོས་བྲལ་མི་རྟོག་བསྒོམ།། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཧཱུཾ། དབྱིངས་ཉིད་ནམ་མཁའ་སྟོང་པའི་རང་བཞིན་ལས།། རང་སེམས་མཾ་ལས་ཉི་མའི་དཀྱིལ་འཁོར
120b6 ཏེ།། འོད་ཀྱི་ཐིག་ལེ་ཉི་མའི་དཀྱིལ་འཁོར་བསམ།། མ་སཱུརྱ་མཎྜ་ལ་ཧཱུཾ། ཧཱུཾ། ཉི་མའི་དཀྱིལ་འཁོར་འོད་ཀྱི་དཀྱིལ་འཁོར་ཏེ།། ཧཱུཾ་ལས་རྡོ་རྗེ་རྩེ་ལྔ་རབ་འབར་བ།། བརྟན་ཅིང་མི་གཡོ་རྡོ་རྗེ་འབར་བར་བསྒོམ།། བཛྲ
iiif viewer powered by OpenSeadragon
