| e-texts navigator |
| Wylie |
119a1 བཏོན་ནས་འཁོར་ལོ་ཡི།། རྩིབས་ཀྱི་སྟེང་དུ་གདན་སྟེང་དུ།། ཧཱུཾ་ཧཱུཾ་བསྒྲིལ་མ་རེ་རེ་བསམ།། འཁོར་ལོ་ཤར་གྱི་རྩིབས་གདན་ལ།། ཧཱུཾ་ཧཱུཾ་བསྒྲིལ་མ་དེ་ཉིད་ལས།། ཨོཾ་ཡ་མན་བཛྲ་ཀྲོ་དྷ་ཧཱུཾ།། ཨོཾ་ཡ་མན
119a2 བཛྲ་ཀྲོ་དྷི་ཧཱུཾ། བརྗོད་པས་ཧཱུཾ་ལས་ཁྲོ་བོའི་སྐུ།། ཀོང་རྩེ་བྲག་གྱོན་ཁམ་རྒྱ་མ།། ཞལ་གཅིག་ཕྱག་གཉིས་སྐུ་མདོག་གནག། དུར་ཁྲོད་རྒྱན་དང་ལྡན་པ་སྟེ།། གཡོན་པ་བྷ་ན་དམར་ཡུམ་ལ་འཁྱུད།། གཡས་པ་གདུག
119a3 པའི་མཚོན་ཆ་འཛིན།། ཡུམ་ཡང་གཡས་ཀྱི་ཡབ་ལ་འཁྱུད།། གཡོན་པ་དུང་དམར་ཡབ་ལ་སྟོབ།། དུར་ཁྲོད་རྒྱན་རྣམས་ཡབ་དང་མཐུན།། རྩ་བའི་སྔགས་དེ་བརྗོད་ནས་ཀྱང་།། ཕྱོགས་སྐྱོང་ཡབ་ཡུམ་ཀུན་ཀྱང
119a4 བསྐྱེད།། རྒྱན་དང་ཆ་ལུགས་ཕྱག་མཚན་རྣམས།། གོང་བཞིན་ཐམས་ཅད་གསལ་བར་བསྐྱེད།། གཡས་ཀྱི་ཧཱུཾ་ལས་ཡབ་ཏུ་བསྐྱེད།། གཡོན་གྱི་ཧཱུཾ་ལས་ཡུམ་དུ་བསྐྱེད།། རོ་ཀ་མ་དུན་བྷྱོ། ཙ་མུ་ཏི་དུན་བྷྱོཿ། ནམ་གྲུ་མ
119a5 དུན་བྷྱོཿ། བྷྱོ་ལས་དུར་ཁྲོད་མ་མོ་གསུམ། ཟླ་གམ་གསུམ་ལ་བསྐྱེད་པར་བྱ།། སྒོ་བཞིར་རྡོ་རྗེ་བསེ་མོ་བཞི།། ཀུ་ལ་དྷ་རི་ཤར་དུ་བསྐྱེད།། ཀྵ་ལ་དྷ་རི་ལྷོ་རུ་བསྐྱེད།། ཀང་ཀ་དྷ་རི་ནུབ་ཏུ་བསྐྱེད།། ཙ་མུན་དྷ་རི་བྱང་དུ
119a6 བསྐྱེད།། ཀེའུ་སེང་དབང་ཕྱུག་གིང་དང་བདུད།། མན་ངག་ལས་སུ་ཤེས་པར་བཤད།། སྤྱན་དྲང་ཕྱག་འཚལ་བཞུགས་མཆོད་འབུལ།། དཔལ་ཟླ་གསང་ནག་པོའི་རྒྱུད་ལས། དྲག་པོའི་ཕྲིན་ལས་ཀྱི་སྐབས་ཏེ་བཅུ
iiif viewer powered by OpenSeadragon
