| e-texts navigator |
| Wylie |
116a1 གྲུ་གསུམ་གནག། ལིང་ཙེ་བཞི་ནི་ཕྱོགས་དང་སྦྱར།། ས་སྟོང་མཛེས་པའི་ཚོན་དུ་གཏང་།། བཅུ་གཉིས་དྲག་པོ་བཅུ་དྲུག་རྒྱས།། རྡོ་རྗེ་ལྕགས་ལ་གྲུ་ཆད་ལྡང་།། མཐའ་མ་ལྕགས་རི་སྒོ་ནི་ཕྱོགས་དང
116a2 སྦྱར།། གཤིན་རྗེ་ལྷ་ནི་ལྷོ་ཤར་བྱང་།། བུ་དོན་ལྷོ་ཡི་ཕྱོགས་སུ་དགྲམ།། ཤ་ཁྲག་རྫས་དང་མེ་ཏོག་སྔོ།། ལྷོ་ཡི་ཕྱོགས་ནས་དབུལ་བར་བྱ།། དྲག་པོ་རྫས་ཀྱི་ག་བུ་དེ།། མངའ་གསོལ་དབང་བསྐུར་བྱས་ནས
116a3 ཀྱང་།། དཀྱིལ་འཁོར་སྟེང་དུ་བཞུགས་སུ་གསོལ།། འཁོར་ལོ་བཅུ་གཉིས་རྩེ་ལ་ཡང་།། ཕུར་པ་བཅུ་གཉིས་རིམ་གྱིས་སོ།། འཁོར་ལོ་བཅུ་དྲུག་རྩེ་མོ་ལ།། ཀེ་སེང་བཅུ་དྲུག་ཕུར་པ་དགོད།། སྒོ་བཞི་བསེ་མོའི་ཕུར་པ
116a4 བཞི།། ཉི་ཤུ་རྩ་བརྒྱད་རྩད་ལ་ཡང་།། དབང་ཕྱུག་མངའ་གསོལ་བར་ཁྱམས་ལའོ།། བསྒྲུབ་བྱའི་དམ་རྫས་གཏོར་མ་ཡང་།། བསྒྲུབ་བྱའི་ལྷ་སྟེ་དཔལ་ལ་གཅིག། བསྙེན་པའི་ལྷ་སྟེ་ཡ་མཱནྟ་ཀར་གཅིག། ལས་སུ་གཉེར
116a5 བའི་ལྷ་སྟེ་ཉི་མ་བཞི་པ་ལ་གཅིག། ཕྲིན་ལས་གཉེར་བའི་ལྷ་སྟེ་གྲི་ཐོགས་གིང་དང་ཁྲམ་ཐོགས་བདུད་ལ་གཅིག། མ་མོའི་ཚོགས་ལ་གཅིག་ཀྱང་དབུལ།། ཞི་ཁྲོའི་ལྷ་ལ་ལས་གཞུང་བསྲང་།། དེ་ནས་འཆི་བདག་ལས
116a6 གཞུང་བསྲང་།། ཞེས་པ་གཤིན་རྗེ་གཤེད་པོས་བཤད།། དཔལ་ཟླ་གསང་ནག་པོའི་རྒྱུད་ལས། དཀྱིལ་འཁོར་གྱི་བཅའ་གཞིའི་ལེའུ་སྟེ་དགུ་པའོ།། །། དེ་ནས་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་ལ
iiif viewer powered by OpenSeadragon
