| e-texts navigator |
| Wylie |
115a1 རྩ་ལྔ་ནི།། མནན་པའི་འཁོར་ལོར་གཞུག་པར་བྱ།། མནན་པའི་གཟུགས་ནི་རི་རབ་བྲི།། ཟོད་པ་རབས་ཆད་ནག་པོའམ།། ངག་དིག་གླེན་པ་བཀྲ་མི་ཤིས།། ནང་དུ་བཅུག་ལ་རེ་བར་གྲིལ།། 7
115a2 ཁང་ཐེམ་པའི་འོག་དག་གམ།། རོ་ཁང་དུར་ཁྲོད་དག་ཏུ་གནན།། གཏད་པ་གཤིན་རྗེ་ཉིད་ལ་སྟེ།། དོང་ནི་རལ་པ་ཚར་དགུའོ།། རྒྱ་མཚོ་ཆེན་པོའི་འོག་ཏུ་གནན།། གནན་པའི་ལྷ་ནི་རལ་པ་ཚར་དགུ་སྟེ།། ཆུ་ནག་འདྲ།
115a3 བའི་གཟུགས་ཆེན་ལ།། མ་ཧེ་ནག་པོ་དག་ལ་བསྐྱོན།། གཤིན་རྗེའི་དབྱུག་པ་ནག་པོ་ཐོགས།། དེ་ལྟ་བུ་ཡི་དངོས་པོ་ལ།། བདག་གིས་རལ་གྲིའི་ཕྱག་རྒྱ་བཅས།། ས་གཞི་ཆེན་པོ་གཤེགས་ནས་ནི།། གཤིན་རྗེ་ཡི་ནི
115a4 ལག་ཏུ་གཏད།། རི་རབ་ཆེན་པོ་ཉིད་ཀྱིས་མནན།། དོན་ཡོད་གྲུབ་པའི་ཕོ་བྲང་གདབ།། དཔལ་ཟླ་གསང་ནག་པོའི་རྒྱུད་ལས། དྲག་པོ་བཅའ་གཞིའི་སྐབས་ཏེ་བརྒྱད་པའོ།། །། དེ་ནས་ཡང་བཅོམ་ལྡན་འདས
115a5 འཇིགས་བྱེད་ཆེན་པོས་འདི་སྐད་ཅེས་བཀའ་སྩལ་ཏོ།། དྲག་པོའི་ལས་དག་བྱེད་འདོད་པས།། ཡིད་འོང་མཐུན་པའི་གནས་ལམ་དུ།། རྣལ་འབྱོར་མོས་དང་དད་པ་ཡིས།། བླ་མ་མཉེས་བྱས་དབང་དག་མནོས།། ལུང
115a6 དང་མན་ངག་ཐོབ་ནས་ཀྱང་།། བརྩོན་འགྲུས་ཆེན་པོས་མྱུར་དུ་བསྒྲུབ།། གནས་དང་གཟུངས་མ་དག་དང་ནི།། ལྟ་སྤྱོད་ལྡན་པ་དག་གིས་ཀྱང་།། འཁོར་ལོའི་རྒྱུ་དང་སྣག་ཚའི་རྒྱུ།། སྨྱུག་གུའི་རྒྱུ་དང་དུས་ཕྱོགས
iiif viewer powered by OpenSeadragon
