| e-texts navigator |
| Wylie |
109b1 ཕུལ།། རབ་ཏུ་སེར་ཞིང་གསེར་ལས་གྲུབ།། བཙོ་མ་འདྲ་བའི་དབྱིབས་ཅན་ལ།། དཔལ་རྒྱས་སེམས་དང་ལྡན་བྱས་ལ།། རྒྱས་པར་བྱ་བའི་སེམས་ཀྱིས་སུ།། རྒྱས་པའི་སྒྲུབ་ཐབས་བཤད་པར་མཛོད།། ཅེས་པ
109b2 གཤིན་རྗེ་གཤེད་ལ་ཕུལ།། གཤིན་རྗེ་གཤེད་པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན།། ཐམས་ཅད་རྒྱས་པར་བྱ་ཕྱིར་དུ།། ས་གཞི་གནས་དང་རི་རབ་སེར།། གྲུ་བཞི་ཁོད་སྙོམས་བཙོ་མ་འདྲ།། རྒྱས
109b3 པར་བྱ་བའི་སེམས་ཀྱིས་སུ།། དཀྱིལ་འཁོར་གྲུ་བཞི་པ་ཡི་ཚུལ།། ལྡོང་རོས་ཆག་ཆག་བཏབ་བྱས་ཏེ།། རྣལ་འབྱོར་དམ་པ་བློ་ལྡན་པས།། ཐིག་ནི་གདབ་པར་རབ་ཏུ་བརྩམ།། གསེར་ལས་གྲུབ་པའི་ཐིག་སྐུད
109b4 ལ།། དཔལ་དང་གཟི་མདངས་བསོད་ནམས་ཚོགས།། འཕེལ་ཞིང་རྒྱས་པའི་སེམས་དང་ཆས།། སློབ་མ་དམ་པ་ལས་གྲུབ་པར།། བསམས་ལ་ཐིག་ནི་གདབ་པར་བྱ།། ཕོ་བྲང་གསེར་ལ་རྩེ་མོ་གཡུ།། རྡོ་རྗེའི་བརྩིག
109b5 པ་གསེར་ལས་གྲུབ།། གྲུ་ཆད་སྒོ་སྣམས་ལྕགས་ལས་གྲུབ།། རྣལ་འབྱོར་སྔགས་པ་བློ་ལྡན་པས།། ཐིག་བཞི་རེ་ཆ་བརྒྱད་དུ་འགྱུར།། མཐའ་ནས་ཐིག་གདབ་མན་ངག་ཅན།། དེ་ལ་སོགས་པ་བསམ་པར་བྱ།། རིན
109b6 ཆེན་སྐྱིལ་ཀྲུང་འདུག་བྱས་ལ།། རིན་ཆེན་རིགས་ཀྱི་ངོས་སུ་བལྟ།། དབུས་སུ་གསང་སྔགས་བདག་པོ་སྟེ།། ཕྱོགས་ཕྱོགས་སྒོ་བ་དམ་པ་རྣམས།། སྔ་མ་བཞིན་དུ་བསྒོམས་ནས་ཀྱང་།། རང་སྔགས་སྐྱེས་བུས་དེ་བསྐྱེད
iiif viewer powered by OpenSeadragon
