| e-texts navigator |
| Wylie |
106a1 དང་ཧ་ལ་ཧ་ལ་དང་། ཛཿཧཱུཾ་བཾ་ཧོཿ། ཨེ་ཨཱ་ར་ལི་ཧྲི་ཧྲི་ཛཿཞེས་འབྲུག་སྟོང་གི་སྒྲ་དུས་གཅིག་ཏུ་ལྡིར་བ་ཙམ་གྱི་སྒྲ་བསྒྲགས་ནས་དབང་དུ་བསྡུས་པས་རང་གི་འཁོར་རྣམས་ཀྱང་བྲེད། རབ་ཏུ་བྲེད། ཀུན
106a2 ཏུ་རབ་ཏུ་བྲེད། འདར་རབ་ཏུ་འདར། ཀུན་ཏུ་རབ་ཏུ་འདར། སྔངས་རབ་ཏུ་སྔངས། ཀུན་ཏུ་རབ་ཏུ་སྤངས་ནས་ཐམས་ཅད་བདེ་བ་ལ་བཀོད་དོ།། འཇམ་དཔལ་ཟླ་གསང་ནག་པོའི་རྒྱུད་ལས། གླེང་གཞིའི་ལེའུ་སྟེ
106a3 སྐབས་དང་པོའོ།། །། དེའི་ཚེ་དུས་ན་བཅོམ་ལྡན་འདས་ལ་མཐུ་སྟོབས་ཀྱི་བདག་པོ་ལ་སོགས་ཏེ། གདུག་པ་ཅན་གྱི་འཁོར་རྣམས་ཀྱིས་མགྲིན་གཅིག་ཏུ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས
106a4 གསོལ་ཏོ།། ཨེ་མ་ཧོ་འཇིགས་བྱེད་ཆེན་པོ་ལགས།། བདག་ཅག་གདུག་བྱེད་འཁོར་རྣམས་ཀུན།། སྣང་སྲིད་འཇིག་རྟེན་ཁམས་འདི་རུ།། སྟོང་གསུམ་མུན་པར་གཏོང་བ་དང་།། འཇིག་རྟེན་ཁམས་ཀུན་བསྲེག་པ
106a5 དང་།། ལོག་རྟོག་འཇོམས་དང་གནམ་ལྕགས་ལྕེ།། སྨྱོ་འབོག་ཡམས་ནད་སྲོག་གཅོད་དང་།། མཛེ་རིགས་གཏོང་བའི་ལས་འདི་དག། བདག་ཅག་རྣམས་ཀྱི་རང་ལས་ལགས།། དཔའ་བོ་ཆེན་པོས་ཅི་ལ
106a6 བཀྱོན།། ཐུགས་རྗེས་བྲེད་ཡང་མི་མངའ་འམ།། དཔའ་བོ་ཆེན་པོ་ཁྱོད་ཉིད་ནི།། ཐུགས་རྗེ་བྱམས་པའི་མངའ་བདག་ན།། འདི་ལྟའི་ཆོ་འཕྲུལ་ཅི་ལ་སྟོན།། གདུག་པའི་གསུང་སྒྲ་ཅི་ལ་སྒྲོག། ཐུགས་རྗེའི་སྤྲུལ་པ་ཅི་ལ
iiif viewer powered by OpenSeadragon
