| e-texts navigator |
| Wylie |
103a1 ཅད་ཀྱི་སྐུ་གསུང་ཐུགས་གསང་བ་ཡེ་ཤེས་ཀྱི་སྙིང་པོ་ཐམས་ཅད་ཡོངས་སུ་རྫོགས་ཤིང་འདུས་པ། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ཞེས་བྱ་བ། ཨུ་རྒྱན་གྱི་མཁན་པོ་པདྨ་སཾ་བྷ་ཝས་སྒྲ་རང
103a2 འགྱུར་དུ་བསྒྱུར་བ་རྫོགས་སོ།། །། བར་འདིར་ཟླ་གསང་ནག་པོ་ངན་ཐམས་ཅད་རྩ་བའི་རྒྱུད་འདུད། @#།། རྒྱ་གར་སྐད་དུ། ཤྲཱི་ཙནྡ་གུ་ཧྱ་ཀཱ་ལ་ཏནྟྲ། བོད་སྐད་དུ། དཔལ་ཟླ་གསང་ནག་པོའི་རྒྱུད། འཇམ་དཔལ་གཤིན་རྗེའི་གཤེད
103a3 ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། འཇམ་དཔལ་གཤིན་རྗེའི་གཤེད་པོ་ལྷ་མཆོག་ཡ་མཱནྟ་ཀ། ལྷོ་ཕྱོགས་གཤིན་རྗེའི་གནས་དུར་ཁྲོད་ཆེན་པོ་གཏུམ་དྲག་ཚལ་ཞེས་བྱ་བ་ན། རྒྱ་ཁྱོན
103a4 དཔག་ཏུ་མེད་པ། རྨང་གསེར་དུ་སྣང་བ། ལོགས་གཡུ་རུ་སྣང་བ། རྩེ་མོ་གནམ་ལྕགས་ཨུར་མོ་རུ་སྣང་བ།། འཁོར་ལོ་གཏམས་པའི་བད་བཏགས་པ། འཁོར་ལོ་དང་གནམ་ལྕགས་ཀྱི་འོད་ཕྱོགས་བཞིར་འཕྲོ
103a5 བ།། འོད་དང་འོད་ཟེར་རབ་ཏུ་འཁྲུགས་པ། མཆོག་ཆེན་དང་རྐང་ཆེན་མཆོག་ཕྲ་མོའི་བྲལ་གཏང་བ། བམ་ཆེན་གྱི་ཀ་བ་ལ་ཆུ་སྲིན་གྱིས་ཀ་ཞུ་ཅན།། འཁོར་ལོ་འབར་བའི་ཀ་གདན་ཅན།། གནམ་ལྕགས་ཐོག་གི་ཆ།
103a6 ཚ་འཕྲོ་བ། ཐོད་པ་བརྩེགས་པའི་འབུར་ཕྱུང་བ།། ཞིང་ཆེན་པོའི་བླ་རེ་དང་། ཆུ་སྲིན་གྱི་རྒྱལ་མཚན་དང་། འཕན་གདུགས་དང་། དཔལ་དར་ཕྱོགས་བཞིར་བཀྲམ་པ། ཙིཏྟ་དམར་པོ་སྤྲིན་དུ་གཏིབས་པ།། རྩེ་ན་མེ་རི
iiif viewer powered by OpenSeadragon
