| e-texts navigator |
| Wylie |
102b1 སྟབས་ལོག་གེ་ལོག། བྲོ་ནི་དྲེགས་པ་བདུད་འདུལ་བྲོ།། གླུ་ནི་ཁམས་གསུམ་དབང་སྡུད་གླུ།། ཚིག་ནི་དོན་དམ་མཚོན་པའི་ཚིག། ཞབས་གཡས་ཐབས་ཀྱི་བྲོ་བརྡུངས་པས།། ཁྲོ་བོའི་ཚོགས་རྣམས་དབང་དུ
102b2 སྡུད།། ཞབས་གཡོན་ཤེས་རབ་བྲོ་བརྡུངས་ལས།། ཁྲོ་མོའི་ཚོགས་རྣམས་དབང་དུ་སྡུད།། གཡས་གཡོན་ཐབས་ཤེས་བྲོ་བརྡུངས་པས།། བདུད་ནི་ཕྱེ་མར་འཐག་པའི་བྲོ།། དགྲ་ནི་དུམ་བུར་གཏུབ་པའི་བྲོ།། དམ
102b3 སྲི་ཐལ་བར་རློག་པའི་བྲོ།། ཧཱུཾ་ཧཱུཾ་ཧཱུཾ། ཞེས་ལོག་ལྷའི་དྲེགས་པ་ཟིལ་གྱིས་གནོན་ཅིང་།། ཚར་བཅད་དེ་གསང་བའི་བདག་པོ་ལ་སོགས་པའི་འདུས་པའི་འཁོར་རྣམས་ལ་འདི་སྐད་ཅེས་བཀའ་སྩལ་ཏོ།། ཀྱེ་ཧོ་འདུས
102b4 པའི་འཁོར་ཚོགས་ཉོན།། རྡོ་རྗེ་འཛིན་པ་ཚུར་ཉོན་ཅིག། དགོས་འདོད་རེ་སྐོང་ཡིད་བཞིན་གྱི།། རིན་ཆེན་ལྟ་བུའི་རྒྱུད་ཆེན་མཆོག། དཔལ་ཆེན་གསང་བ་འདུས་པའི་རྒྱུད།། སྙིང་ནོར་ཡིན་ནོ་མིག་འབྲས་ཡིན།། ཐེག
102b5 པ་ཡོངས་རྫོགས་རྩ་རྒྱུད་འདི།། གཏམས་སོ་གཏད་དོ་ཐུབ་པར་ཆོངས།། དམ་ཉམས་རྣམས་ལ་ཤོར་སྲིད་དོ།། གཡོ་སྒྲ་ཅན་ལ་ཤོར་སྲིད་དོ།། སྣོད་མེད་རྣམས་ལ་ཤོར་སྲིད་དོ།། བསྟན་པའི་སྙིང་འདི་ཐུབ་པར
102b6 སྲུངས།། ཞེས་བཀའ་སྩལ་ཏོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། རྒྱུད་དོན་ཡོངས་རྫོགས་འཁོར་ལ་གཏད་པའི་ལེའུ་སྟེ་ཞེ་གསུམ་པའོ།། །། བཅོམ་ལྡན་འདས་བདེ་བར་གཤེགས་པ་ཐམས
iiif viewer powered by OpenSeadragon
