| e-texts navigator |
| Wylie |
102a1 ནས་འདུས་པའི་འཁོར་རྣམས་ལ། སྟོན་པ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་རབ་ཏུ་དགྱེས་ནས། རྡོ་རྗེ་ཟིལ་གནོན་བདེ་གཤེགས་འདུས་པའི་གླུ་བྲོ་གསུངས་པ།། ཧཱུཾ་ང་ནི་ཆེ་མཆོག་ཧེ་རུ་ཀ། ཞི་ཁྲོ
102a2 བདེ་གཤེགས་ཡོངས་རྫོགས་སྐུ།། རྡོ་རྗེའི་གླུ་གཅིག་གནམ་ནས་ལེན།། སྟེང་གི་ལྷ་རྣམས་ཟིལ་གྱིས་གནོན།། རྡོ་རྗེའི་གླུ་གཅིག་ས་ནས་ལེན།། ཀླུ་གཉེན་ས་བདག་གཟིལ་གྱིས་གནོན།། རྡོ་རྗེའི་གླུ་གཅིག་ཕྱོགས
102a3 བཅུར་སྒྲོགས།། ཕྱོགས་སྐྱོང་དྲེགས་པ་ཞབས་འོག་གཟིར།། རྡོ་རྗེའི་གླུ་སྐད་ཙེར་རེ་རེ།། ཧཱུཾ་གི་འབྲུག་སྒྲ་ལྡི་རི་རི།། ཕཊ་ཀྱིས་གནམ་ལྕགས་ཚལ་ལེ་ཚལ།། དྲག་པོའི་བཤུག་གླུས་ཁམས་གསུམ་གཡོ།། ཤངས་ཀྱི་ཧཱུཾ
102a4 སྒྲས་སྲིད་གསུམ་སྒྲོལ།། སྙན་ནས་འབྲུག་སྒྲས་སྟོང་གསུམ་འགེངས།། ལྗགས་ལས་གློག་འགྱུ་བར་སྣང་ཁྱབ།། སྤྱན་ནས་ཆུ་བྱུང་སྟོང་གསུམ་འཁྲུ།། ཞལ་ནས་མཆེ་གཙིགས་བདུད་བཞི་སྒྲོལ།། གླུ་བྲོ་འཁོར་གསུམ
102a5 ཆེམས་སེ་ཆེམ།། གླུ་བྲོ་འཁོར་གཅིག་དང་པོ་ཡིས།། གཟུགས་མེད་མུ་བཞི་ཟིལ་གྱིས་གནོན།། གླུ་བྲོ་འཁོར་གཉིས་བར་པ་ཡིས།། གཟུགས་ཁམས་བཅུ་བདུན་ཟིལ་གྱིས་གནོན།། གླུ་བྲོ་འཁོར་གསུམ་ཐ་མ
102a6 ཡིས།། འདོད་ཁམས་ཉི་ཤུ་ཟིལ་གྱིས་གནོན།། རྡོ་རྗེ་ཟིལ་གནོན་གླུ་བྲོ་ཡིས།། ལྷ་སྲིན་སྡེ་བརྒྱད་དབང་དུ་སྡུད།། དྲེགས་པའི་ཚོགས་རྣམས་འབུབ་ཅིང་རྒྱལ།། རྡོ་རྗེའི་འགྲོས་སྟབས་ཆེམས་སེ་ཆེམ།། ཁྲོ་བོའི་གར
iiif viewer powered by OpenSeadragon
