| e-texts navigator |
| Wylie |
101b1 ཧ། རྟ་ཧ་ཧོ། ཀྱེ་ཀྱེ་ཀྱེ། ཨེ་མ་ཧོ་ཧཱུཾ། བཅོམ་ལྡན་དཔལ་ཆེན་ཆེ་མཆོག་མི་བཟད་ཧེ་རུ་ཀ། ཆོས་སྐུ་སྐྱེ་མེད་དབྱིངས་ནས་བཞེངས་ནས་ཀྱང་།། གཟུགས་སྐུ་རབ་འཇིགས་ཆ་ལུགས་གཏུམ་རྔམ་ཁྲོ་བོར་སྟོན།། སངས
101b2 རྒྱས་ཀུན་འདུས་ཡོན་ཏན་དབང་ཕྱུག་བདུད་འདུལ་རྒྱལ།། གསང་བའི་ཡུམ་མཆོག་ཁྲོ་མོ་གནམ་ཞལ་བདེ་ཆེན་སྦྱོར་བའི་ཡུམ།། དུས་གསུམ་བདེར་གཤེགས་རྒྱལ་བ་མ་ལུས་ཀུན་འདུས་བསྐྱེད་མཛད་མ།། གཉིས
101b3 མེད་མཉམ་སྦྱོར་ཡོན་ཏན་སྣ་ཚོགས་འགྲོ་བ་འདུལ།། ཆེ་མཆོག་ཡབ་ཡུམ་རོལ་པའི་སྐུ་ལ་ཕྱག་འཚལ་བསྟོད།། ཧཱུཾ་ཆེ་མཆོག་སྐུ་ནི་གཤིན་རྗེ་གཤེད།། ཆེ་མཆོག་གསུང་ནི་རྟ་མགྲིན་དབང་།། ཆེ་མཆོག་ཐུགས་ནི
101b4 དཔལ་རྡོ་རྗེ།། ཆེ་མཆོག་ཡོན་ཏན་ཡོངས་རྫོགས་ཉིད།། ཆེ་མཆོག་ཕྲིན་ལས་ཀི་ལ་ཡཱ།། ཆེ་མཆོག་རྦོད་གཏོང་མ་མོའི་གཙོ།། ཆེ་མཆོག་རིག་འཛིན་ཐོད་པ་རྩལ།། ཆེ་མཆོག་ཕོ་ཉ་དྲེགས་པའི་གཙོ།། ཆེ་མཆོག་དམོད
101b5 པ་སྔགས་བདག་གཙོ།། ཆེ་མཆོག་སྤྲུལ་པ་སྲས་མཆོག་ཚོགས། ཆེ་མཆོག་བཀའ་སྡོད་དམ་ཅན་མ།། ཡོངས་རྫོས་དཔལ་ཆེན་འཁོར་བཅས་རྣམས།། ཡེ་ནས་རང་དང་གཉིས་མེད་ཕྱིར།། གཉིས་མེད་གུས་པས་ཕྱག
101b6 འཚལ་བསྟོད།། ཅེས་མངོན་པར་བསྟོད་དོ།། དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས།། སྟོན་པ་ཀུན་ཏུ་བཟང་པོ་ཆེ་མཆོག་ཧེ་རུ་ཀ་ལ་ཡོངས་རྫོགས་སུ་བསྟོད་པའི་ལེའུ་སྟེ་ཞེ་གཉིས་པའོ།། །། དེ
iiif viewer powered by OpenSeadragon
