| e-texts navigator |
| Wylie |
100a1 བཞེད་པར་བྱ།། ཁྱད་པར་བར་དོ་གྲོང་འཇུག་ལྔ།། རང་བཞིན་ངོ་ལྟོས་ཏིང་ངེ་གནས།། རྨི་ལམ་མཚམས་སྦྱར་སྐྱེ་འཆིར་བཟླ།། སྲིད་པ་བར་དོར་ལས་འཕྲོ་འཐུད།། ཅེས་བཀའ་སྩལ་ཏོ།། དཔལ་གསང
100a2 བ་འདུས་པ་རྒྱུད་ཀྱི་རྒྱལ་པོ་ལས།། འཆི་བརྟག་འཆི་བ་སླུ་འཕོ་བ་གྲོང་འཇུག་ཡོངས་རྫོགས་སུ་བསྟན་པའི་ལེའུ་སྟེ་བཞི་བཅུ་པའོ།། །། དེ་ནས་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ
100a3 བཟང་པོ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཐམས་ཅད་སྟོན་པ་ཀུན་ཏུ་བཟང་།། ཐུགས་རྗེ་ཆེ་མཆོག་ཧེ་རུ་ཀ། རྒྱུད་ཆེན་དགོངས་འབྲེལ་བསྟན་འཚལ་ན།། བཅོམ་ལྡན་འདས་དང་བདེ་གཤེགས
100a4 གསང་།། ཐམས་ཅད་ཀྱིས་ནི་སྐུ་གསུང་ཐུགས།། གསང་བ་ཡེ་ཤེས་སྙིང་པོ་དང་། ཐམས་ཅད་ཡོངས་རྫོགས་བསྡུས་དོན་གང་།། ཞེས་གསོལ་སྟོན་པས་བཀའ་སྩལ་པ།། བདུད་རྣམས་ཀུན་འཇོམས་ཡོན་ཏན
100a5 ལྡན།། བདེ་བར་གཤེགས་པའི་ཚུལ་བརྗོད་ན།། གཟུང་འཛིན་ཉོན་མོངས་མི་གནས་བདེ།། འབྲས་བུ་སར་གཤེགས་བདེ་བར་གཤེགས།། ཐམས་ཅད་ཀུན་ཁྱབ་སྐྱེ་འགག་མེད།། གཉིས་མེད་སྐུ་གསུང་ཐུགས
100a6 ཡིན་ཏེ།། གབ་སྦས་ངེས་གསང་དེས་ཤེས་ཤིང་།། མུ་བཞི་མཉམ་གྲོལ་སྙིང་པོའི་དོན།། སྤྲོས་དང་སྤྲོས་མེད་དོན་ཐམས་ཅད།། རྒྱུད་འདིར་ཡོངས་རྫོགས་འདུས་པའི་དོན།། ཇི་སྙེད་པ་ཡི་བདེ་བར་གཤེགས།། རང
iiif viewer powered by OpenSeadragon
