| e-texts navigator |
| Wylie |
416a1 འདུས།། ཡང་དག་ཐུགས་ཀྱི་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། ཆེ་མཆོག་ཡོན་ཏན་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། ཕུར་བུ་ཕྲིན་ལས་སྒྲུབ་པ་སྟེ།། དེ་ཡང་རྒྱུད་འདིའི
416a2 ནང་དུ་འདུས།། མ་མོ་རྦོད་གཏོང་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། རིག་འཛིན་སློབ་དཔོན་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། འཇིག་རྟེན་མཆོད་རྟེན་སྒྲུབ་པ་སྟེ།། དེ་ཡང་རྒྱུད་འདིའི་ནང
416a3 དུ་འདུས། དམོད་པ་དྲག་སྔགས་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། དེ་ཕྱིར་བསྒྲུབ་པ་བཀའ་བརྒྱད་འདུས།། བཀའ་བརྒྱད་འདུས་པའི་རྒྱུད་ཅེས་བྱ།། ཞི་བ་ཁྲོ་བོ་ཐམས་ཅད་འདུས།། ཞི་ཁྲོ་འདུས་པའི
416a4 རྒྱུད་ཅེས་བྱ།། བདེ་གཤེགས་ཐམས་ཅད་འདུས་པས་ན།། བདེ་གཤེགས་འདུས་པའི་རྒྱུད་ཅེས་བྱ།། རྒྱུད་འདིས་དངོས་གྲུབ་སྟེར་བས་ན།། མི་ཟད་དངོས་གྲུབ་གཏེར་གྱི་རྒྱུད།། གཏད་དོ་འཁོར་ཚོགས་འདུས་པ
416a5 རྣམས།། ཚོང་ཞིག་རིག་འཛིན་ས་ཐོབ་རྣམས།། ཁྱེད་ཀྱིས་ཡོངས་སུ་གཟུང་བར་གྱིས།། ཞེས་གསུངས་ནས་སྤྱི་དཔལ་ཀུན་ཏུ་བཟང་པོ་ཆོས་ཀྱི་དབྱིངས་སུ་ཐིམ་མོ།། རྒྱུད་ཡོངས་སུ་གཏད་པའི་ལེའུ་སྟེ་དྲུག་ཅུ་རྩ་དྲུག
416a6 པའོ།། །། ལྟ་བ་ཐམས་ཅད་ཀྱི་ཡང་རྩེ། མན་ངག་ཐམས་ཅད་ཀྱི་སྡེབས། བསྟན་པ་ཐམས་ཅད་ཀྱི་སྲོག་ཤིང་། སྒྲུབ་པ་ཐམས་ཅད་ཀྱི་བཅུད། ཕྲིན་ལས་ཐམས་ཅད་ཀྱི་རྩ་བ། བསྒྲུབ་པ་བཀའ་བརྒྱད་འདུས
iiif viewer powered by OpenSeadragon
