| e-texts navigator |
| Wylie |
415b1 ལྷག་མས་མཆོད་ཅེས་བྱ།། མ་སྐྱེས་པ་ཡི་ཆོས་ཉིད་ཀྱིས།། སྐྱེས་པའི་ཕུང་པོ་སྐྱེ་རྒྱུན་བཅད།། མི་དམིགས་པ་ཡི་ནམ་མཁའ་ཡིས།། དམིགས་པའི་འབྱུང་བ་ཟིལ་གྱིས་མནན།། ཐམས་ཅད་སྐྱེ་ཤིའི་རྩ་བ
415b2 བཅད།། གཟིར་མནན་བྱས་ལས་ཁྱད་པར་འཕགས།། ཨ་ཏིའི་གཟིར་མནན་ཞེས་ཀྱང་བྱ།། འཁོར་བའི་རྒྱུ་ཉིད་ཡང་དག་བྱང་ཆུབ་ལམ།། ཐམས་ཅད་མྱ་ངན་འདས་ལས་ཁྱད་པར་འཕགས།། སྐྱེ་མེད་རྡོ་རྗེ་ལྟ་བུའི
415b3 ང་ཉིད་ལས།། སྐྱེ་ཤི་འཕོ་འགྱུར་མེད་པས་ཁྱད་པར་འཕགས།། དེ་ལྟ་བུ་ཡི་དོན་ལ་གནས་པ་ཡིས།། རྟོགས་པའི་བློ་ལྡན་རྣལ་འབྱོར་གང་གནས་པ།། དེ་ཡི་དོན་ལ་འདྲིས་ན་སངས་རྒྱས་ཡིན།། བཙལ་དུ་མེད་པའི
415b4 དོན་རྟོགས་བསྒོམ་པ་ཡིན།། ཨ་ཏིའི་ཡོ་གའི་དོན་རྟོགས་ངོ་མཚར་ཆེ།། ཞེས་གསུངས་སོ།། གསང་བ་རིག་པ་སེམས་ཀྱི་དཀྱིལ་འཁོར་ལ་བརྟེན་ཏེ་སྒྲུབ་པའི་ལེའུ་སྟེ་དྲུག་ཅུ་རྩ་ལྔ་པའོ།། ཕྱི་བསྒྲུབ་དང་ནང་བསྒྲུབ་དང
415b5 གསང་བསྒྲུབ་བསྟན་པའི་སྐབས་ཏེ་བརྒྱད་པའོ།། །། དེ་ནས་སྤྱི་དཔལ་ཆེན་པོས་ཏིང་ངེ་འཛིན་དེ་ལས་བཞེངས་ཏེ། འདུས་པའི་འཁོར་ཚོགས་རྣམས་ལ་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས
415b6 རྣམས།། བདེ་གཤེགས་ཞི་བའི་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། འཇམ་དཔལ་སྐུ་ཡི་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ་འདུས།། པདྨ་གསུང་གི་སྒྲུབ་པ་སྟེ།། དེ་ཡང་རྒྱུད་འདིའི་ནང་དུ
iiif viewer powered by OpenSeadragon
