| e-texts navigator |
| Wylie |
415a1 མཆོད་པའི་རྐྱེན་དུ་སྣང་།། སེམས་ཉིད་བཙལ་དུ་མེད་པ་ལས།། སྐྱེ་མཆེད་ཁམས་རྣམས་མཆོད་པར་སྣང་།། ནམ་མཁའ་དམིགས་སུ་མེད་པ་ལས།། འབྱུང་བ་སྣ་ཚོགས་མཆོད་པར་སྣང་།། ཐམས་ཅད
415a2 ཆོས་ཉིད་རྒྱན་དུ་གསུངས།། མཆོད་པ་ཕུལ་ལས་ཁྱད་པར་འཕགས།། ཨ་ཏིའི་མཆོད་པ་ཕུལ་ཞེས་བྱ།། ཐམས་ཅད་མི་དམིགས་མཉམ་པའི་ངང་།། དམིགས་མེད་བསམ་འདས་བརྗོད་དུ་མེད།། བསྙེན་པ་ཕུལ་ལས
415a3 ཁྱད་པར་འཕགས།། ཨ་ཏིའི་བསྙེན་པ་ཕུལ་ཞེས་བྱ།། གཉིས་སུ་མེད་པའི་སེམས་ཉིད་ཀྱིས།། ཐམས་ཅད་བླ་མེད་འགྱུར་སྟོན་པས།། ཕོ་ཉ་བཀྱེ་ལས་ཁྱད་པར་འཕགས།། ཨ་ཏིའི་ཕོ་ཉ་བཀྱེ་ཞེས་བྱ།། ཁམས་གསུམ
415a4 སེམས་ཅན་ཐམས་ཅད་དང་།། དུས་གསུམ་གསུམ་གནས་པའི་སངས་རྒྱས་ཀྱང་།། ཐམས་ཅད་དབྱེར་མེད་དབྱིངས་སུ་བསྒྲལ།། དགྲ་བགེགས་བསྒྲལ་ལས་ཁྱད་པར་འཕགས།། ཨ་ཏིའི་དགྲ་བགེགས་བསྒྲལ་ཞེས
415a5 བྱ།། སྣང་བའི་ཡུལ་ནི་ཆོས་ཉིད་ལ།། སྟོང་པའི་སེམས་ནི་ཡེ་ཤེས་ཆེ།། གཉིས་སུ་མེད་པར་རྟོགས་པས་ན།། ཕུར་པ་གདབ་ལ་ཁྱད་པར་འཕགས།། ཨ་ཏིའི་ཕུར་པ་གདབ་ཅེས་བྱ།། འཁོར་བ་ཐམས་ཅད་དོང་ནས
415a6 སྤུསྤྲུག། སྐྱེ་ཤི་རྩད་ནས་བཅད་པས་ན།། ཚོགས་མཆོད་ཕུལ་ལས་ཁྱད་པར་འཕགས།། ཨ་ཏིའི་ཚོགས་མཆོད་ཕུལ་ཞེས་བྱ།། ཐམས་ཅད་དབྱིངས་ལ་བཀོད་པས་ན།། ལྷག་མའི་མཆོད་པ་ཁྱད་པར་འཕགས།། ཨ་ཏིའི
iiif viewer powered by OpenSeadragon
