| e-texts navigator |
| Wylie |
414a1 ཆད་འདྲ་སོང་ངམ་དཔྱད།། སྦྱོར་དུས་ཡབ་ཡུམ་གཉིས་ཀ་ལས།། ལྷ་བཀོད་འོད་ཟེར་སྤྲོ་བསྡུ་དང་།། ཡུལ་གསུམ་གསལ་བར་གྱུར་པ་དང་།། འཇིགས་པའི་བདུད་བཞི་གཞོམ་པ་དང་།། གསང་བའི་དགྲ
414a2 གསུམ་གསོད་པ་དང་།། འགྲོ་དྲུག་གཡང་ས་བཅད་པར་བྱའོ།། ཞེས་གསུངས་སོ།། ནང་ལུས་ཀྱི་དཀྱིལ་འཁོར་ལ་བརྟེན་ཏེ་སྒྲུབ་པའི་ལེའུ་སྟེ་དྲུག་ཅུ་རྩ་བཞི་པའོ།། །། དེ་ནས་ཡང་དག་ངེས་གསུངས
414a3 པ།། གསང་བའི་སྒྲུབ་པ་བསྟན་པ་ནི།། རིག་པ་ཡེ་ཤེས་དཀྱིལ་འཁོར་ལ།། བརྟེན་ནས་ཨ་ཏི་ཡོ་གར་བསྒྲུབ།། མ་ནོར་མ་བཅོས་ཆོས་ཉིད་ནི།། བཙལ་བའི་བསམ་པ་ཀུན་ལས་འདས།། ཐམས་ཅད་དབྱེར་མེད
414a4 མཉམ་པའི་ངང་།། དེ་བཞིན་ཉིད་ལས་ཁྱད་པར་འཕགས།། ཨ་ཏིའི་དེ་བཞིན་ཉིད་ཅེས་བྱ།། སྣང་བ་མེད་པའི་ཆོས་ཉིད་ལ།། ཁྱབ་དང་མ་ཁྱབ་གཉིས་མེད་དེ།། ཀུན་ཏུ་སྣང་ལས་ཁྱད་པར་འཕགས།། ཨ་ཏིའི་ཀུན་ཏུ
414a5 སྣང་ཞེས་བྱ།། བཙལ་བ་མེད་པའི་ཆོས་ཉིད་ལས།། མ་བསྐྱེད་པར་ནི་ཐམས་ཅད་འབྱུང་།། རྒྱུ་ཉིད་ལས་ནི་ཁྱད་པར་འཕགས།། ཨ་ཏིའི་རྒྱུ་ཡི་ཏིང་འཛིན་ནོ།། བཙལ་བ་མེད་པའི་ཆོས་ཉིད་ལས།། བསྒྲུབ་ཏུ་མེད་པའི
414a6 འབྲས་བུ་ཤར།། འབྱུང་བ་ལྔ་ལས་ཁྱད་པར་འཕགས།། ཨ་ཏིའི་འབྱུང་བ་རིམ་བརྩེག་ཡིན།། འགྱུར་བ་མེད་པའི་ཆོས་ཉིད་ལས།། ཕྱོགས་དང་རིས་ལ་མི་གནས་ཤིང་།། མཐའ་དང་དབུས་ལ་མི་དམིགས
iiif viewer powered by OpenSeadragon
