| e-texts navigator |
| Wylie |
413b1 མའི་ཐུགས་ནས་འོད་འཕྲོས་པས།། འཇམ་དཔལ་གཤིན་རྗེའི་ཐུགས་ཀར་སྤྲོས།། དེ་ནས་པདྨ་དབང་ཆེན་ནོ།། དེ་ལས་བཛྲ་ཧེ་རུ་ཀ། དེ་ལས་རྡོ་རྗེ་གཞོན་ནུའོ།། དེ་ལས་བླ་མེད་ཧེ་རུ་ཀ། དེ་ལས་རྩ་ཆེན་གཡས
413b2 ཞུགས་པས།། དྲེགས་པ་ཀུན་འདུལ་ཐུགས་ཀར་སྤྲོས།། དེ་ལས་རྩ་ཆེན་གཡོན་ཞུགས་པས།། སྟོབས་ལྡན་ནག་པོའི་ཐུགས་ཀར་འཕྲོས།། དེ་ལས་གིང་བདུད་གཤིན་རྗེ་སོགས།། ཕྱག་ན་མཚོན་ཆ་ཐོགས་པ
413b3 འཕྲོས།། གཟས་པའི་དགྲ་བགེགས་རྩད་བཅད་ནས།། སླར་འདུས་དྲེགས་འདུལ་སྟོབས་ལྡན་གྱི།། ཐུགས་ཀར་འདུས་ཏེ་འཁོར་བ་ནི།། སྒྲུབ་པ་ལས་སྦྱོར་ཞེས་སུ་བཤད།། དེ་ལས་འོད་དེ་ཡང་འཕྲོས་པས།། རིམ་པ
413b4 བཞིན་དུ་འོད་འཕྲོས་ནས།། སྤྱི་བོ་འཁོར་ལོའི་གཤིན་རྗེ་དང་།། བླ་མའི་ཐུགས་ཀར་འཕྲོས་ནས་ནི།། རྣལ་འབྱོར་པ་ཡི་ཡེ་ཤེས་དེ།། ཟླ་བ་ཆེས་པ་ལྟ་བུར་རྒྱས།། སྒྲུབ་པ་ཆེན་པོ་ཞེས་བྱའོ།། བདག་ཉིད་གདོད་ནས
413b5 མ་གྲུབ་པ།། རྫོགས་པ་ཆེན་པོར་ལ་བཟླས་པས།། སངས་རྒྱས་ཞེས་ཀྱང་དེ་ལ་བྱའོ།། དེ་ལྟར་ཡང་ཡང་སྤྲོ་བ་ནི།། དམ་ཚིག་སེམས་དཔའ་ཞེས་ཀྱང་བྱ།། མར་ལ་སྤྲོ་བར་བྱེད་པ་ནི།། ལས་ཀྱི་སེམས་དཔའ་ཞེས་ཀྱང
413b6 བྱ།། དེ་ནས་ཡར་ལ་བསྡུ་བ་ནི།། ཡེ་ཤེས་སེམས་དཔའ་ཞེས་བྱའོ།། དེ་ལྟར་འོད་ཟེར་སྤྲོ་བསྡུ་ཡིས།། བག་ཆགས་སྒྲིབ་པ་ཁད་ཀྱིས་འབྲི།། ཡེ་ཤེས་ཟླ་བ་ཚེས་ལྟར་སྐྱེ།། དེ་ནི་རྫོགས་ཆེན་རྣལ་འབྱོར་རོ།། བར་འདིར་ཚིག།
iiif viewer powered by OpenSeadragon
