| e-texts navigator |
| Wylie |
413a1 པའོ།། །། དེ་ནས་ཡང་དག་ངེས་གསུངས་པ།། ནང་བསྒྲུབ་ལུས་ཀྱི་དཀྱིལ་འཁོར་ལ།། བརྟེན་ནས་བསྒྲུབ་པ་བཤད་པ་ནི།། བདེ་བའི་སྟན་ལ་འདུག་ནས་ནི།། སྐད་ཅིག་མ་ཡི་ཏིང་འཛིན
413a2 ལས།། ཆེ་མཆོག་ཧེ་རུའི་སྐུར་བསྐྱེད་ལ།། སྤྱི་བོར་རིག་འཛིན་སློབ་དཔོན་བསྒོམ།། དཔྲལ་བར་འཇམ་དཔལ་གཤིན་རྗེ་གཤེད།། མགྲིན་པར་པདྨ་དབང་ཆེན་ནོ།། ཐུགས་ཀར་བཛྲ་ཧེ་རུ་ཀ། ལྟེ་བར་རྡོ་རྗེ་གཞོན
413a3 ནུའོ།། གསང་བར་བླ་མེད་ཧེ་རུ་ཀ། རྐང་གཡས་དྲེགས་པ་ཀུན་འདུལ་ལ།། རྐང་པ་གཡོན་ལ་སྟོབས་ལྡན་ནོ།། དེ་རྣམས་ཡུམ་དང་འཁོར་དུ་བཅས།། རང་བཞིན་འཁོར་དུ་གནས་པར་བསྒོམ།། དེ་རྣམས་ཐུགས་ཀར
413a4 ཟླ་དཀྱིལ་སྟེང་།། ཡི་གེ་ཧཱུཾ་གི་འཕྲོ་འདུ་ཡིས།། ཧཱུཾ་རིང་ཧཱུཾ་ཐུང་སྒྲ་ལས་དྲངས།། དྲེགས་པ་ཀུན་འདུལ་སྟོབས་ལྡན་ནས།། ཧཱུཾ་གི་འོད་ཟེར་འཕྲོས་པ་ཡིས།། རྩའོ་ཆེ་ཡི་ནང་ནས་ཞུགས།། བླ་མེད་ཧེ་རུའི་ཐུགས་ཀར
413a5 འཕྲོས།། དེ་ལས་རྡོ་རྗེ་གཞོན་ནུ་ལ།། དེ་ལས་བཛྲ་ཧེ་རུ་ལས།། དེ་ལས་པདྨ་དབང་ཆེན་ལས།། དེ་ལས་འཇམ་དཔལ་གཤིན་རྗེ་གཤེད།། དེ་ལས་བླ་མའི་ཐུགས་ཀར་རོ།། དེ་ལས་འོད་ཟེར་འཕྲོས་པ་ཡིས།། ལུས་ཀྱི
413a6 མགོ་མཇུག་ཁྱབ་པ་ཡི།། ཉོན་མོངས་དུག་ལྔ་དུག་གསུམ་དང་།། བག་ཆགས་སྒྲིབ་པ་རྩད་ནས་བཅད།། ཆོས་ཀྱི་དབྱིངས་སུ་སངས་རྒྱས་པའོ།། དེ་ནི་བསྙེན་པ་ཞེས་བྱའོ།། དེ་ནས་བསྒྲུབ་པའི་དུས་སུ་ནི།། བླ
iiif viewer powered by OpenSeadragon
