| e-texts navigator |
| Wylie |
412b1 ཁང་།། གདན་དང་བཅས་པ་བསྐྱེད་ནས་ནི།། རྒྱུ་ཡི་ཡེ་ཤེས་སེམས་དཔའ་ལས།། གཙོ་བོ་ཆེ་མཆོག་ཧེ་རུ་ཀ། སྐུ་མདོག་ཕྱག་མཚན་ཆ་ལུགས་ནི།། རྒྱས་འབྲིང་བསྡུས་པའི་རིམ་པ་དག། ཤར་དུ་ཡང་དག་ལྷ་ཚོགས
412b2 ལ།། ལྷོ་རུ་གཤིན་རྗེའི་ལྷ་ཚོགས་ལ།། ནུབ་ཏུ་པདྨའི་ལྷ་ཚོགས་སོ།། བྱང་དུ་ཕུར་པའི་ལྷ་ཚོགས་སོ།། ཤར་ལྷོ་མ་མོའི་ལྷ་ཚོགས་སོ།། ལྷོ་ནུབ་རིག་འཛིན་སློབ་དཔོན་ཏེ།། ནུབ་བྱང་དྲེགས་པ་ཀུན་འདུལ་ལ།། བྱང
412b3 ཤར་སྟོབས་ལྡན་ནག་པོའོ།། ཕྱི་ཁྱམས་དབང་ཕྱུག་ཉི་ཤུ་བརྒྱད།། འཁོར་ཡུག་དཔལ་གྱི་བཀའ་སྡོད་དོ།། དེ་ལྟར་བསྐྱེད་ཅིང་གསལ་བརྟན་བྱ།། སྐུ་གསུང་ཐུགས་སུ་བྱིན་བརླབས་ཤིང་།། ཡེ་ཤེས་ལྔ་ཡི་དབང་བསྐུར
412b4 བྱ།། སྤྱན་དྲང་བཞུགས་གསོལ་ཕྱག་འཚལ་མཆོད།། བསྟོད་ཅིང་བཤགས་པ་དག་པར་དབུལ།། སོ་སོའི་རྩ་སྔགས་བསྙེན་པར་དབུལ།། འོད་དང་འོད་ཟེར་སྤྲོ་བསྡུ་བྱ།། བསྐུལ་ཞིང་ཕྲིན་ལས་བཅོལ་བར་བྱ།། ཚོགས
412b5 དང་ལྷག་མའི་ཆོ་ག་རྣམས།། རིམ་པ་བཞིན་དུ་དབུལ་བར་བྱ།། གཏོར་མ་གཏོང་ཞིང་གཏོར་གཞོང་མནན།། ཡེ་ཤེས་སེམས་དཔའ་གཤེགས་སུ་གསོལ།། དམ་ཚིག་སེམས་དཔའ་རང་ལ་བསྡུ།། སྐད་ཅིག་ལྷར
412b6 བསྐྱེད་སྤྱོད་ལམ་བྱ།། མ་བཅོས་སྤྲོས་བྲལ་དང་ལ་གནས།། དེ་ནི་རྫོགས་པའི་རིམ་པའོ།། ཞེས་གསུངས་སོ།། ཕྱི་རྡུལ་ཚོན་གྱི་དཀྱིལ་འཁོར་ལ་བརྟེན་ནས་བསྒྲུབ་པའི་རིམ་པ་སྟེ་ལེའུ་དྲུག་ཅུ་རྩ་གསུམ
iiif viewer powered by OpenSeadragon
