| e-texts navigator |
| Wylie |
412a1 ཀྱིས།། པདྨ་ཉི་ཟླའི་སྟེང་ན་བགྲད།། ཡུམ་ཡང་ཡབ་དང་མཐུན་པར་བསྐྱེད།། སྐུ་གསུང་ཐུགས་སུ་བྱིན་བརླབས་ཤིང་།། ཡེ་ཤེས་སེམས་དཔའ་སྤྱན་དྲངས་ལ།། ཕྱི་ནང་བདུད་རྩིའི་མཆོད་པ
412a2 འབུལ།། དེ་ལྟར་བསྒོམ་ལ་བཟླས་པ་བྱ།། ཉི་སྟེང་ཡེ་ཤེས་སེམས་དཔའ་ཡི།། མཚན་མ་ལ་སོགས་གསལ་བསྒོམས་ནས།། འོད་ཟེར་ལ་ནི་ཡིག་འབྲུ་བསྐྱེད།། མ་གསལ་བར་དུ་བཟླས་པ་བྱ།། ཨོཾ་ཨཱཿཧཱུཾ་ཞེས་བཟླས
412a3 པ་བྱ།། དེ་ནས་རྫོགས་པའི་རིམ་པ་བསྒོམ་པ་ནི།། ལྷ་ཉིད་སེམས་སུ་ཤེས་པར་བྱ།། རང་ཉིད་ལྷ་ལ་ལྷ་ཉིད་རང་།། བསྐྱེད་རྫོགས་གསུམ་གྱི་ས་ལམ་སྦྱང་།། ཞེས་གསུངས་སོ།། རྒྱུན་གྱི་རྣལ་འབྱོར་གྱི་བསྡུས་དོན། ཁྲོ
412a4 བོ་ཕྱག་རྒྱ་རྐྱང་པའི་སྒྲུབ་ལུགས་ཀྱི་ལེའུ་སྟེ་དྲུག་ཅུ་རྩ་གཉིས་པའོ།། བསྡུས་དང་ཤིན་ཏུ་བསྡུས་པ་ཕྱག་རྒྱ་རྐྱང་པའི་ལུགས་ཀྱི་སྐབས་ཏེ་བདུན་པའོ།། ། དེ་ནས་སྤྱི་དཔལ་ཀུན་བཟང་ཧེ་རུ་ཀ་ལ་ཞུས་པ།
412a5 ཨེ་མ་སྤྱི་དཔལ་ཧེ་རུ་ཀ། ཕྱི་སྒྲུབ་རྡུལ་ཚོན་དཀྱིལ་འཁོར་ལ།། བརྟེན་ནས་སྒྲུབ་པ་ཇི་ལྟར་ལགས།། སྤྱི་དཔལ་ཆེན་པོས་བཀའ་སྩལ་པ།། ཉོན་ཅིག་འདུས་པའི་ཚོགས་ཆེན་རྣམས།། བདེ་གཤེགས་བསྒྲུབ་པ་བཀའ
412a6 བརྒྱད་ལྷ།། ཕྱི་ལྟར་བསྒྲུབ་ན་ཇི་ལྟར་བསྒྲུབ།། ཕྱི་མཚམས་ནང་མཚམས་སྔོན་འགྲོ་རྣམས།། མཆོད་རྫས་བྱིན་བརླབ་ལ་སོགས་བྱ།། དེ་ནས་ཏིང་འཛིན་རྣམ་གསུམ་དང་།། འབྱུང་བ་རིམ་བརྩེགས་གཞལ་ཡས
iiif viewer powered by OpenSeadragon
