| e-texts navigator |
| Wylie |
411b1 རིག་འཛིན་བསྒྲུབ་པའི་ཕྱིར།། བདེ་བའི་སྟན་ལ་རབ་འདུག་ནས།། ཧཱུཾ་ལས་འོད་ཟེར་འཕྲོས་པ་ལས།། ཕྱི་ནང་གསང་བའི་འོད་ཟེར་འཕྲོས།། བླ་མ་དང་ནི་ཡི་དམ་ལྷ།། བདེ་གཤེགས་ཐམས་ཅད་སྤྱན་དྲངས
411b2 ལ།། ཕྱག་འཚལ་མཆོད་ཅིང་བཤགས་པ་དང་།། རྗེས་སུ་ཡི་རང་གསོལ་བསྐུལ་གདབ།། སྐྱབས་གསོལ་ལུས་དབུལ་དགེ་རྩ་བསྔོ།། ཚད་མེད་བཞི་ཡང་བསྒོམ་པར་བྱ།། དེ་ནས་སྟོང་པའི་ཏིང་འཛིན་བསྒོམ།། འོད
411b3 ཕུང་ཚུར་འདུས་བདག་རང་ཉིད།། དེ་ཡི་ནང་དུ་ཧཱུཾ་གནས་པ།། དེ་ལས་ཙ་འཕྲོས་འཁོར་ལོར་གྱུར།། ལྟོ་བར་ཉི་བསམ་ཧཱུཾ་དེ་ཉིད།། དེ་ལས་གནོད་མཛེས་རྒྱལ་པོར་གྱུར།། དེ་ཐུགས་ཧཱུཾ་གི་འཕྲོ་འདུ་ལས།། ཁྲོ་བོ་ཆེན
411b4 པོ་བཅུ་རུ་གྱུར།། ཧཱུཾ་བཞིའི་གསང་སྔགས་བརྗོད་པ་ཡིས།། ཁྲོ་བཅུའི་སྤྲུལ་པས་གདུག་པ་དགུག། སྐུ་གསུང་ཐུགས་ཀྱི་ཕུར་བུས་གདབ།། བཏུལ་ཞིང་སྦྱངས་ནས་ནམ་མཁར་གྱུར།། དེ་ལས་ཧཱུཾ་གི་འཕྲོ་འདུ་ལས།། རྡོ
411b5 རྗེའི་གུར་དང་ར་བ་དང་།། དྲ་བ་ཉིད་དུ་གྱུར་པའོ།། ཧཱུཾ་གི་འཕྲོ་འདུས་སླར་ལ་བཞུ།། སྟོང་པ་ཉིད་ལས་འོད་ཕུང་བྱུང་།། དེ་ལས་ཉི་ཟླ་ཁ་སྦྱར་གྱུར།། དེ་སྟེང་རང་སེམས་ཡི་གེ་ཧཱུཾ།། འཕྲོ་འདུས་འོད་དུ་ཞུ་བ་ལས།། རྡོ
411b6 རྗེ་དང་ནི་དྲིལ་བུར་གྱུར།། དེ་ལས་བདེ་གཤེགས་འདུས་པའི་སྐུ།། རྡོ་རྗེ་ཁྲོ་བོ་ཧེ་རུ་ཀ། སྐུ་མདོག་མཐིང་ནག་ཞལ་གཅིག་ལ།། ཕྱག་གཉིས་རྡོ་རྗེ་བྷན་དམར་བསྣམས།། ཞབས་གཉིས་བརྐྱང་བསྐུམ་དོར་སྟབས
iiif viewer powered by OpenSeadragon
