| e-texts navigator |
| Wylie |
411a1 ཤིང་།། ཡེ་ཤེས་ལྔ་ཡི་དབང་བསྐུར་བྱ།། རང་བཞིན་དཀྱིལ་འཁོར་སྤྱན་དྲངས་ཤིང་།། གཉིས་སུ་མེད་པར་བཞུགས་སུ་གསོལ།། གཉིས་མེད་ངང་དུ་ཕྱག་ཀྱང་བཙལ།། བདུད་རྩི་སྨན་གྱི་མཆོད་པ
411a2 དང་།། གཏོར་མ་རཀྟ་བདུད་རྩིས་མཆོད།། བསྟོད་ཅིང་ཕྲིན་ལས་བཤགས་པ་བྱ།། བཟླས་པ་བྱ་ཞིང་སྤྲོ་བསྡུ་བྱ།། ཨོཾ་མ་ཧ་ཀྲོ་དྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧཱུཾ་ཕཊ། ཨོཾ་ཨ་ཀྲོ་ཏེ་ཀ་ཧཱུཾ་ཕཊ། ཨོཾ་ཧ་ཡ་གྲཱི་ཝ་ཧཱུཾ་ཕཊ། ཨོཾ་བཛྲ
411a3 ཀཱིཀི་ལི་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨོཾ་ཀ་ལ་རཱུ་པ་ཧཱུཾ་ཕཊ།། ཨོཾ་བཛྲ་ཙཎྜ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་སརྦ་དུཥྚཱན་ཧཱུཾ་ཕཊ། གསང་བ་སྔགས་ཀྱི་བསྙེན་པ་བྱ།། ཚོགས་དང་ལྷག་མའི་ཆོ་ག་ཡང་།། རིམ
411a4 པ་བཞིན་དུ་དབུལ་བར་བྱ།། གཏོར་མ་གཏོང་ཞིང་གཏོར་གཞུང་མནན།། ཡེ་ཤེས་སེམས་དཔའ་གཤེགས་སུ་གསོལ།། དམ་ཚིག་སེམས་དཔའ་རང་ལ་བསྡུ།། སྐད་ཅིག་ལྷར་བསྐྱེད་སྤྱོད་ལམ་བྱ།། ཞེས་གསུངས
411a5 སོ།། བསྐྱེད་རྫོགས་ཤིན་ཏུ་བསྡུས་པའི་ལེའུ་སྟེ་དྲུག་ཅུ་རྩ་གཅིག་པའོ།། །། དེ་ནས་སྤྱི་དཔལ་ཧེ་རུ་ཀ་ལ། འཁོར་གྱི་རིག་འཛིན་རྣམས་ཀྱིས་ཞུས་པ། ཨེ་མ་སྤྱི་དཔལ་ཧེ་རུ་ཀ། རྣལ་འབྱོར་རྒྱུན་དུ་བསྒོམ་པ
411a6 ལ།། རྒྱུན་གྱི་ཡི་དམ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན་པོས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་རྣམས།། སེམས་ཅན་ཡེ་ཤེས་བསྐྱེད་པ་དང་།། རྣལ་འབྱོར
iiif viewer powered by OpenSeadragon
