| e-texts navigator |
| Wylie |
410a1 པོས་བཀའ་སྩལ་པ།། ཉོན་ཅིག་འདུས་པའི་ཚོགས་ཆེན་རྣམས།། རྣལ་འབྱོར་ཤིན་ཏུ་བསྡུས་དགའ་ལ།། བསྐྱེད་རྫོགས་ཤིན་ཏུ་བསྡུས་ཏེ་བསྟན།། ཕུན་སུམ་ཚོགས་པའི་གནས་དག་ཏུ།། འདུ་འཛི
410a2 སྤངས་པའི་རྣལ་འབྱོར་པས།། ལྷ་ཡི་དཀྱིལ་འཁོར་བསྒོམ་འདོད་ནས།། སྔོན་དུ་འགྲོ་བའི་ལས་བྱས་ནས།། དེ་བཞིན་ཉིད་ཀྱི་ཏིང་ངེ་འཛིན།། རང་བཞིན་དངོས་མེད་སྤྲོས་པ་མེད།། ཀུན་སྣང་ཀུན་ཁྱབ་སྙིང་རྗེའི
410a3 ངདང་།། རྒྱུ་ཉིད་མཐིང་ནག་ཡི་གེ་ཧཱུཾ།། འབྱུང་བ་ཡུམ་ལྔའི་དཀྱིལ་འཁོར་བརྩེགས།། ཀེང་རུས་རི་རབ་རྩེ་བརྒྱད་སྟེང་།། དུར་ཁྲོད་འབར་བའི་གཞལ་ཡས་ཁང་།། ཚོམ་བུ་དགུ་ཡི་དཀྱིལ་འཁོར་བསྐྱེད།། དྲེགས་པ་ཉི
410a4 ཟླ་པདྨའི་གདན།། ཀུན་ལ་གདན་དུ་གདིང་བར་བྱ།། གདན་སྟེང་རྒྱུ་ཡི་ཡི་གེ་ལས།། དཔལ་ཆེན་ཁྲག་འཐུང་ཆེན་པོའི་སྐུར།། ཆོ་ག་གསུམ་གྱིས་གསལ་བར་བསྐྱེད།། བདག་ཉིད་ཆེ་མཆོག་ཧེ་རུ་ཀ། མཐིང་ནག་དབུ
410a5 གསུམ་ཕྱག་དྲུག་པ།། ཞབས་བཞི་གྱད་ཀྱི་དོར་སྟབས་བགྲད།། དབུ་གསུམ་གཡས་དཀར་གཡོན་དམར་བ།། དབུས་ནི་མཐིང་ནག་སྐུ་དང་མཐུན།། ཕྱག་དྲུག་གཡས་ཀྱི་དང་པོ་ན།། རྡོ་རྗེ་རྩེ་དགུ་བསྣམས
410a6 པའོ།། བར་མ་རྡོ་རྗེ་རྩེ་ལྔ་པ།། ཐ་མ་རྡོ་རྗེ་གསུམ་མོ།། གཡོན་གྱི་དང་པོ་བྷནྡ་ནི།། ལྕང་ལོ་ཁྲག་བཀང་གསོལ་བའོ།། བར་མ་ཐོད་རློན་དམར་གྱིས་བཀང་།། ཐ་མ་ཐོད་སྐམ་དམར་བཀང་བའོ།། ཞབས་གཉིས་གྱད
iiif viewer powered by OpenSeadragon
