| e-texts navigator |
| Wylie |
409b1 བཞི།། སྒོ་བཞིར་རྩ་བའི་སློབ་དཔོན་བཞི།། བཀའ་སྲུང་དཔའ་བོ་དཔའ་མོ་དང་།། མཁའ་འགྲོ་སྡེ་བཞིར་བཅས་པའོ།། ཕྱི་ཁྱམས་དབང་ཕྱུག་ཉི་ཤུ་བཞི།། སྒོ་བཞིར་དབང་ཕྱུག་སྒོ་མ་བཞི།། ཕྱི་ཡི་ལྕགས་རི
409b2 འཁོར་ཡུག་ལ།། མཁའ་འགྲོ་གིང་དང་ལང་ཀ་དང་།། མ་སྲིང་འབར་མ་ཕོ་ཉ་དང་།། མཁའ་འགྲོ་འབུམ་ཕྲག་ཡངས་པ་རྣམས།། རང་བཞིན་དཔལ་གྱི་བཀའ་སྡོད་པའོ།། དེ་ལྟར་ལྷ་རྣམས་གསལ་བསྐྱེད་ལ།། སྐུ
409b3 གསུང་ཐུགས་སུ་བྱིན་བརླབ་ཅིང་།། ཡེ་ཤེས་ལྔ་ཡི་དབང་ཡང་བསྐུར།། རང་བཞིན་གནས་ནས་སྤྱན་དྲངས་ཤིང་།། གཉིས་སུ་མེད་པར་བཞུགས་སུ་གསོལ།། དགྱེས་པའི་ཚུལ་གྱིས་ཕྱག་བྱས་ལ།། མཆོད་པ་དབུལ
409b4 ཞིང་དགྱེས་པར་བསྟོད།། སོ་སོའི་སྙིང་པོ་བཟླས་བརྗོད་འབད།། ཕྲིན་ལས་བཅོལ་ཞིང་བཤགས་པ་བྱ།། ཚོགས་དང་ལྷག་མའི་ལས་རྫོགས་ནས།། གཏོར་མ་གཏོར་ལ་དཀྱིལ་འཁོར་བསྡུ།། སྤྱོད་ལམ་བཞིར་ཡང་ལྷ
409b5 བསྒོམ་བྱ།། ཡང་ན་རྫོགས་པའི་རིམ་པ་ལ།། མ་བཅོས་རང་གསལ་རང་སར་བཞག། ཅེས་གསུངས་སོ།། བསྐྱེད་རྫོགས་འབྲིང་པོའི་ལེའུ་སྟེ་དྲུག་ཅུ་ཟམ་པའོ།། །། དེ་ནས་སྤྱི་དཔལ་ཀུན་བཟང་ཧེ་རུ་ཀ
409b6 ལ།། འཁོར་གྱི་རིག་འཛིན་རྣམས་ཀྱིས་ཞུས་པ།། ཨེ་མ་སྤྱི་དཔལ་ཧེ་རུ་ཀ། རྣལ་འབྱོར་བློ་དམན་གང་ཟག་ལ།། བསྡུས་པའི་བསྐྱེད་རྫོགས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། སྤྱི་དཔལ་ཆེན
iiif viewer powered by OpenSeadragon
