| e-texts navigator |
| Wylie |
408b1 པར་འཁྲིལ་བར་བསྒོམ།། ཡབ་ཡུམ་མཁའ་གསང་བྱིན་རླབས་ལས།། མཁའ་ལས་ཁྲོ་བོ་འཆོལ་བ་སྤྲོས།། ཕྱོགས་བཅུའི་དྲེགས་པ་བསྒྲལ་ནས་ནི།། སླར་འདུས་དཀྱིལ་འཁོར་བརྒྱད་ལ་དགོད།། དཀྱིལ་འཁོར་བརྒྱད
408b2 ཀྱི་གཙོ་བོར་གསལ།། ཤར་དུ་བཛྲ་ཧེ་རུ་ཀ། ལྷོ་རུ་འཇམ་དཔལ་གཤིན་རྗེ་གཤེད།། ནུབ་ཏུ་རྟ་མགྲིན་རྒྱལ་པོ་ལ།། བྱང་དུ་རྡོ་རྗེ་གཞོན་ནུའོ།། ཤར་ལྷོར་བླ་མེད་ཧེ་རུ་ཀ། ནུབ་བྱང་དྲེགས་པ་ཀུན་འདུལ་ལ།། བྱང
408b3 ཤར་སྟོབས་ལྡན་ནག་པོའོ།། སོ་སོའི་ཡུམ་བཅས་རྫོགས་པར་བསྐྱེད།། ལྷོ་ནུབ་རིག་འཛིན་སློབ་དཔོན་ཡིན།། དེ་ནས་གཙོ་བོ་ཡབ་ཡུམ་གྱི།། བྱང་ཆུབ་སེམས་ཀྱི་འོད་ཟེར་དང་།། རྩ་བའི་སྔགས་རྣམས་བརྗོད་པ
408b4 ཡིས།། སོ་སོའི་འཁོར་ཚོགས་རྫོགས་པར་བསྐྱེད།། ཆེ་མཆོག་ཡབ་ཡུམ་སྤྲུལ་པ་ནི།། ཆེ་མཆོག་རིགས་བཞི་ཡབ་ཡུམ་བཞི།། དྲེགས་པ་ཕྱོགས་སྐྱོང་འདུལ་བྱེད་བཅུ།། ཏ་ཀྲྀཏ་སྒོ་སྲུང་ཁྲོ་བོ་བཞི།། བཀའ་སྲུང་ཅེ་སྤྱང
408b5 མ་བརྒྱད་བསྒོམ།། བཛྲ་ཧེ་རུ་ཡབ་ཡུམ་ལས།། རིགས་བཞིའི་ཁྲག་འཐུང་ཡབ་ཡུམ་བཞི།། གོ་རཱི་བརྒྱད་དང་ཕྲ་མེན་བརྒྱད།། གདོང་མོ་སྒོ་མ་བཞི་དང་ནི།། བཀའ་སྲུང་ཁྲོ་མོ་ཉི་ཤུ་བརྒྱད།། འཇམ་དཔལ་གཤིན་རྗེ
408b6 ཡབ་ཡུམ་ལས།། གཤེད་བཞི་སྦྱོར་ཡུམ་སྒྲོལ་ཡུམ་བཅས། ཕྱོགས་སྐྱོང་བཅུ་གཉིས་ཡུམ་དང་བཅས།། མགོ་བརྙན་སྒོ་སྐྱོང་གཤིན་རྗེ་བཞི།། བཀའ་སྲུང་གིང་བདུད་རྩིས་པ་དང་།། སྲོག་གི་ཤན་པར་བཅས་པ
iiif viewer powered by OpenSeadragon
