| e-texts navigator |
| Wylie |
407b1 འབྱོར་བསྡུས་ལ་དགའ་བ་ལ།། བསྐྱེད་རྫོགས་ཕྲིན་ལས་བསྡུས་ཏེ་བསྟན།། དབེན་ཞིང་དགོན་པའི་གནས་དག་ཏུ།། བསྒྲུབ་པའི་དཀྱིལ་འཁོར་ཞལ་ཕྱེས་ལ།། ཕྱི་མཚམས་བཅད་ལ་ནང་མཚམས་བསྡམས།། གསང
407b2 བའི་མཚམས་བཅད་བཤགས་དང་བརླབས།། སྔོན་དུ་འགྲོ་བའི་ལས་རྣམས་བྱ།། དེ་ནས་བསྐྱེད་རིམ་དོན་ལ་འཇུག། དེ་བཞིན་ཀུན་སྣང་རྒྱུ་ལས་ནི།། འབྱུང་བ་ལྔ་ཡི་རིམ་པ་བརྩིགས།། བྷྲཱུཾ་ལས་ཡེ་ཤེས་གཞལ་ཡས
407b3 ཁང་།། དཀྱིལ་འཁོར་དགུ་ཡི་གཞལ་ཡས་ནི།། ཀུན་ཀྱང་འཁོར་ལོ་བཞི་པས་མཛེས།། ཁྱམས་དང་སྒོ་བཞི་ལྕགས་རིར་བཅས།། ཕྱི་ཁྱམས་སྒོ་བཞི་རྒྱན་དང་ལྡན།། ལྕགས་རི་ཟླུམ་པོ་རྡོ་རྗེའི་ར།། ཕྱི་རིམ་བསྐལ་པའི
407b4 མེ་འབར་བསྐྱེད།། དེ་ནང་གདན་ཁྲི་བསྐྱེད་པ་ནི།། དྲེགས་པ་འགྲོ་དྲུག་བྱོལ་སོང་གདན།། དཀྱིལ་འཁོར་ཀུན་གྱི་དབུས་སུ་གདིང་།། དཀྱིལ་འཁོར་དབུས་མའི་གདན་སྟེང་དུ།། རྒྱུ་ཡི་ཡེ་ཤེས་སེམས་དཔའ
407b5 བབས།། ཆོ་ག་གསུམ་གྱི་སྦྱོར་བ་ཡིས།། ཆེ་མཆོག་ཧེ་རུའི་སྐུར་བསྐྱེད་ལ།། དབུ་དགུ་ཕྱག་ཀྱང་བཅོ་བརྒྱད་ལ།། ཞབས་ཀྱང་རྣམ་པ་བརྒྱད་དུ་བགྲད།། དབུས་ཀྱི་དབུ་གསུམ་མཐིང་ལ་རྔམས།། གཡས་གཅིག་དཀར
407b6 ལ་གཡོན་གཅིག་དམར།། གཡས་གཅིག་དམར་ལ་གཡོན་གཅིག་ལྡང་།། གཡས་གཅིག་དཀར་ལ་གཡོན་གཅིག་དམར།། གཡས་ཀྱི་དང་པོ་རྡོ་རྗེ་བསྣམས།། གཉིས་པ་ཁ་ཊྭཱཾ་རྩེ་གསུམ་བསྣམས།། གསུམ་པ་གསང
iiif viewer powered by OpenSeadragon
