| e-texts navigator |
| Wylie |
406b1 གཅིག། ནག་མོ་ཆེན་མོ་འབུམ་ཕྲག་གཅིག། ལ་ལ་གསེར་གྱི་རི་ལ་གནས།། ལ་ལ་རྒྱ་མཚོའི་གཏིང་ལ་གནས།། ལ་ལ་གླིང་ཆེན་བཞི་ལ་གནས།། ལ་ལ་གླིང་ཆུང་བརྒྱད་ལ་གནས།། ལ་ལ་གངས་དཀར་རྩེ་ལ
406b2 གནས།། ལ་ལ་ས་ཡི་འོག་ན་གནས།། ལ་ལ་ནམ་མཁའི་མཐོངས་ན་གནས།། ལ་ལ་དཔག་བསམ་ཤིང་ལ་གནས།། ལ་ལ་བར་སྣང་ཁམས་ལ་གནས།། ལ་ལ་གཅན་གཟན་སྡེར་ཆགས་ཞོན།། ལ་ལ་རྨིག་པ་ཁ་བྲག
406b3 ཞོན།། ལ་ལ་རྨིག་པ་ཟླུམ་པོ་ཞོན།། ལ་ལ་གདོང་པ་ཅན་ལ་ཞོན།། ལ་ལ་འདབ་ཆགས་བྱ་ལ་ཞོན།། ལ་ལ་རླུང་དང་སེར་བུ་ཞོན།། ལ་ལ་གློག་གི་རྐང་ལ་ཞོན།། ལ་ལ་དགུ་ཚིགས་གཞུང་ལ་ཞོན།། ལ་ལ་དུས་བཞིའི
406b4 གུང་ལ་རྒྱུག། ལ་ལ་ནམ་གྱི་གུང་ལ་རྒྱུག། ལ་ལ་ཉི་མའི་གུང་ལ་རྒྱུག། ལ་ལ་ཟླ་བའི་ཟེར་ལ་རྒྱུག། ལ་ལ་མུན་པའི་སྨག་ལ་རྒྱུག། ལ་ལ་གྲིབ་སོ་རྟ་རུ་ཞོན།། ལ་ལ་ནམ་མཁའི་མདངས་ལ་ཞོན།། ལ་ལ་སྐྱ་རེངས
406b5 མདངས་ལ་ཞོན།། ལ་ལ་ཆུ་བོའི་གཞུང་ལ་ཞོན།། ལ་ལ་གསལ་བའི་མེ་ལོང་ཐོགས།། ལ་ལ་དར་དཀར་གཡབ་མོ་ཐོགས།། ལ་ལ་ལྕགས་ཀྱུ་འབར་བ་ཐོགས།། ལ་ལ་ཞགས་པ་ནག་པོ་ཐོགས།། ལ་ལ་བེ་ཅོན་ནག
406b6 པོ་ཐོགས།། ལ་ལ་གཅོད་པའི་སྤུ་གྲི་ཐོགས།། ལ་ལ་མི་མགོའི་ཕོར་པ་ཐོགས།། ལ་ལ་མི་སྙིང་རློན་པ་ཐོགས།། ལ་ལ་མི་ལྤགས་རློན་པ་ཐོགས།། ལ་ལ་རུ་མཚོན་ནག་པོ་ཐོགས།། ལ་ལ་བདུད་ཀྱི་ཁྲམ
iiif viewer powered by OpenSeadragon
