| e-texts navigator |
| Wylie |
405a1 ཆེན་རིགས་ཀྱི་མཁའ་འགྲོ་བརྒྱད།། སེར་པོ་རྡོ་རྗེ་ཞགས་པ་ཐོགས།། པདྨ་རིགས་ཀྱི་མཁའ་འགྲོ་བརྒྱད།། དམར་པོ་རྡོ་རྗེ་ལྕགས་སྒྲོག་ཐོགས།། ལས་ཀྱི་རིགས་ཀྱི་མཁའ་འགྲོ་བརྒྱད།། སྔོན་པོ་རྡོ་རྗེ
405a2 དྲིལ་བུ་ཐོགས།། རྡོ་རྗེ་གིང་ཆེན་བཅོ་བརྒྱད་ནི།། རྡོ་རྗེ་རིགས་ཀྱི་གིང་ཆེན་བཞི།། དཀར་པོ་ལག་ན་ཤེལ་གྲི་ཐོགས།། རིན་ཆེན་རིགས་ཀྱི་གིང་ཆེན་བཞི།། སེར་པོ་ལག་ན་གྲི་ཡང་ཐོགས།། པདྨ་རིགས་ཀྱི་གིང་ཆེན
405a3 བཞི།། དམར་པོ་ལག་ན་གྲི་ཡང་ཐོགས།། ལས་ཀྱི་རིགས་ཀྱི་གིང་ཆེན་བཞི།། སྔོན་པོ་ལག་ན་གྲི་ཡང་ཐོགས།། སྟེང་འོག་གིང་ཆེན་རྣམ་པ་གཉིས།། སྐུ་མདོག་དཀར་ནག་འོད་ཟེར་འཕྲོ།། ལག་ན་རལ་གྲི་ཐོགས
405a4 པའོ།། རྡོ་རྗེ་ལང་ཀ་བཅོ་བརྒྱད་ནི།། རྡོ་རྗེ་རིགས་ཀྱི་ལང་ཀ་བཞི།། ལག་ན་རྡོ་རྗེ་ཏྲི་ཤཱུལ་ཐོགས།། རིན་ཆེན་རིགས་ཀྱི་ལང་ཀ་བཞི།། ལག་ན་རིན་ཆེན་ཏྲི་ཤཱུལ་ཐོགས།། པདྨ་རིགས་ཀྱི་ལང་ཀ་བཞི།། ལག་ན་པདྨ
405a5 ཏྲི་ཤཱུལ་ཐོགས།། ལས་ཀྱི་རིགས་ཀྱི་ལང་ཀ་བཞི།། ལག་ན་རྒྱ་གྲམ་ཏྲི་ཤཱུལ་ཐོགས།། སྟེང་འོག་གཉིས་ཀྱི་ལང་ཀ་ནི།། ལག་ན་སྣ་ཚོགས་ཏྲི་ཤཱུལ་ཐོགས།། གནོད་སྦྱིན་སྙིང་ནས་འདྲེན་པའི་འབར་མ་བརྒྱད།། འབར་མ
405a6 ཉི་མའི་ཞགས་པ་ཅན།། འབར་མ་མེ་འབར་གློག་ཕྲེང་འཛིན།། འབར་མ་གཤིན་རྗེ་སྐར་མདའ་གཏོང་།། འབར་མ་སྲིན་མོ་མདུང་ཐུང་འཕེན།། འབར་མ་ཆེན་མོ་ལྕེ་འབེབས་མ།། འབར་མ་ཆེན་མོ་ཁྱུད་ཐོགས
iiif viewer powered by OpenSeadragon
