| e-texts navigator |
| Wylie |
403b1 བསྟན་པ་ནི།། མཚོ་སྨན་རྒྱལ་མོ་དཔལ་མོ་ལྡན།། སྐུ་མདོག་སྔོན་མོ་མེ་ལོང་ཐོགས།། དཀར་མོ་ཆེན་མོ་དབུ་གསུམ་མ།། ལག་ན་བྷནྡ་སྐམ་པོ་ཐོགས།། སྲིད་པའི་བུ་མོ་དམ་ཚིག་ཅན།། སེར་མོ་བྷནྡ་སྐམ
403b2 པོ་ཐོགས།། སྨུག་ནག་ཆེན་མོ་དབུ་ལྔ་མ།། ལག་ན་བྷནྡ་རློན་པ་ཐོགས།། ཁྲམ་ཁ་སྟོང་གི་དབང་མོ་ཆེ།། དཀར་མོ་ལག་ན་བྷནྡ་ཐོགས།། རི་རབ་གླིང་བཞིའི་དབང་མོ་ཆེ།། སེར་མོ་ལག་ན་བྷནྡ་ཐོགས།། ཐེག་ཆེན་ས
403b3 གཞིའི་དབང་མོ་ཆེ།། སྡུག་མོ་ལག་ན་བྷནྡ་ཐོགས།། རྒྱ་མཚོའི་གླིང་གི་དབང་མོ་ཆེ།། ལག་ན་བྷནྡ་སྔོན་པོ་ཐོགས།། གནམ་གྱི་ཡེ་དྷ་ར་ཆེན་མོ་ནི།། ནག་མོ་མུན་པའི་གོ་ཟུ་ཅན།། ལག་ན་བྷནྡ་ཁྲག
403b4 བཀང་ཐོགས།། བར་གྱི་གློག་མ་སྲིན་མོ་ཡང་།། ཁྲག་གི་བུད་མེད་དམར་ནག་ལ།། ལག་ན་བྷནྡ་ཁྲག་བཀང་ཐོགས།། ས་ཡི་ཕུང་བྱེད་ནག་མོ་ནི།། མུན་པའི་བུད་མེད་ཆེན་མོ་ལ།། ལག་ན་བྷནྡ་ཁྲག་བཀང་ཐོགས།།
403b5 གསང་བའི་མ་མོ་རྦོད་བྱེད་མ།། ནག་མོ་ཆེན་མོ་ལྕགས་ཀྱུ་ཐོགས།། ཕོ་ཉ་ལྕགས་ཀྱི་ཁྱི་མོ་ཁྲིད།། གསང་བའི་མ་མོ་འཁྲུགས་བྱེད་མ།། ལག་ན་ཁྲག་གི་ལྕགས་ཀྱུ་ཐོགས།། ཕོ་ཉ་ཟངས་ཀྱི་ཁྱི་མོ་ཁྲིད།། གསང་བའི་མ
403b6 མོ་སྒྲོལ་བྱེད་ཀྱང་།། ལག་ན་འགུགས་པའི་ལྕགས་ཀྱུ་ཐོགས།། ཕོ་ཉ་དུང་གི་ཁྱི་མོ་ཁྲིད།། མ་མོ་ཆེན་མོ་རོ་ཁ་མ།། ནག་མོ་ཐོད་པ་ཁྲག་བཀང་ཐོགས།། མ་མོ་ཆེན་མོ་ཙ་མུཎྜི།། སྨུག་མོ་ཐོད་པ་ཁྲག་བཀང་ཐོགས།། མ
iiif viewer powered by OpenSeadragon
