| e-texts navigator |
| Wylie |
403a1 ན་གཡུ་ཡི་ཕུར་པ་འདྲིལ།། ཆིབས་སུ་ཀླུ་རྟ་སྔོན་པོ་ཆིབས།། ཤར་ཕྱོགས་སྲིན་པོའི་སྐྱེས་བུ་ནི།། སྲིན་པོ་བྱད་ཅན་ཕུར་པའི་ལྷ།། དཀར་པོ་ལག་ན་ཕུར་པ་འདྲིལ།། ལྷོ་ཕྱོགས་གཤིན་རྗེའི་སྐྱེས་བུ
403a2 ནི།། གཤིན་རྗེ་ནག་པོ་ཕུར་པའི་ལྷ།། ནག་པོ་ལག་ན་ཕུར་པ་འདྲིལ།། ནུབ་ཕྱོགས་ཡ་བདུད་སྐྱེས་བུ་ནི།། སོག་པོ་མིག་རིང་ཕུར་པའི་ལྷ།། དམར་པོ་ལག་ན་ཕུར་པ་འདྲིལ།། བྱང་ཕྱོགས་གནོད་སྦྱིན་སྐྱེས་བུ
403a3 ནི།། མོན་པ་གདོང་རིང་ཕུར་པ་འདྲིལ།། ཤར་བདུད་དཀར་པོ་མཆེ་བ་ཅན།། ལག་ན་དུང་གི་ཕུར་པ་འདྲིལ།། ལྷོ་བདུད་སྔོན་མོ་རལ་པ་ཅན།། ཕྱག་ན་གཡུ་ཡི་ཕུར་པ་འདྲིལ།། ནུབ་བདུད་དམར་པོ་ཞག་པ
403a4 ཅན།། ཕྱག་ན་ཞགས་པ་ཕུར་པ་འདྲིལ།། བྱང་བདུད་ལྡང་ནག་རལ་གྲི་ཅན།། ཕྱག་ན་རལ་གྲི་ཕུར་པ་འདྲིལ།། ཤར་གྱི་ཕྱོགས་ཀྱི་དམག་དཔོན་ནི།། ཕྲ་མ་རཱ་ཛ་སྲིན་པོའི་གཙོ།། དཀར་པོ་ལག་ན་ཕུར་པ་འདྲིལ།། ལྷོ
403a5 ཡི་ཕྱོགས་ཀྱི་དམག་དཔོན་ནི།། ཡ་མ་རཱ་ཛ་གཤིན་རྗེའི་གཙོ།། སྔོན་པོ་ལག་ན་ཕུར་པ་འདྲིལ།། ནུབ་ཀྱི་ཕྱོགས་ཀྱི་དམག་དཔོན་ནི།། དྷ་ཤ་གྲཱི་བ་བདུད་ཀྱི་གིང་།། ནག་པོ་ལག་ན་ཕུར་པ་འདྲིལ།། བྱང་གི་ཕྱོགས་ཀྱི
403a6 དམག་དཔོན་ནི།། ཡཀྑ་གྲཱི་བ་གནོད་སྦྱིན་གིང་།། སེར་པོ་ལག་ན་གྲི་ཡང་ཐོགས།། ཕུར་པ་ཕྲིན་ལས་ཀྱི་བཀའ་སྲུང་གི་ལེའུ་སྟེ་ལྔ་བཅུ་དྲུག་པའོ།། །། མ་མོ་རྦོད་གཏོང་བཀའ་སྲུང་གི། སྐུ་མདོག་ཕྱག་མཚན
iiif viewer powered by OpenSeadragon
